Lafaek News—Ministériu Soliedaride Sosiál no Inkluzaun (MSSI) liu husi Diresaun Nasionál Asisténsia Sosiál (DNAS), Lucas Tois, hatete, orsamentu ba benefisiáriu bolsa-da-mãe ne’ebe ki’ik la rezolve pobreza posibilidade reforma hodi kontribui no redusaun ba pobreza iha Timor-Leste.
“Iha ona diskusaun atu reforma nia program ne’e iha posibilidade bazeia ba estudu balun husi banku mundial katak se ho montante $5.00 kada labarik ida tinan ida selu dala ida deit, nia valor kontrui ba redusaun pobreza ba familia rasik ne’e ki’ik liu,” dehan DNAS Lucas Tois, ba lafaek News iha nia kna’ar fatin MSSI kaikoli, tersa, semana ne’e.
Diretór esplika, ba da-daun kontinua esforsu hodi halo redusaun ba pobreza kiak iha Timor Leste maka hasa’e valor osan ba labarik sira iha programa bolsa-da-mãe.
“Da-daun ne’e esforsu hakarak kontribui makas ba prosesu redusaun pobreza hasai lalais familia husi situasaun kiak, tenke iha opsaun ida maka aumenta valor subsídiu ne’e ba kada labarik,” tenik nia.
Nia reafirma, tempu badak sua eslensia aprezenta ba Konsellu Ministru inklui mós ba baze legal balun ne’e ita presiza, diploma ministerial ida ho dekretu lei nu.18/2012, kona-ba programa bolsa-da-mãe.
“Ita atu reforma maibé sei iha proseu diskusaun atu hasa’e montante osan ba labarik hira no oinsa ita atu halo ida ne’e, se ita muda ona nia montante klaru ke dekretu lei nu.18/2012 mós afeta kedas, entaun tenke review fali lei ne’e, tanba ita hakarak hasai familia husi mukit ne’e entaun dekretu lei mós tenke muda,” dehan diretor.
Nia informa,iha ona apresentasaun preleminariu ne’ebe prefere ba RAEOA, tanba planu RAEOA maka atu sai pilotu atu sukat resultadu, se susesu ona, uza ida ne’e maka halo espansaun ba munisípiu sira seluk.
“Pois ita avalia nia impaktu bele ka lae, nia iha impkatu duni ba ida ne’e ga lae se ita hasae montante maka kontribui duni ba probreza kiak ita uza pilotu ida ne’e ba munisipiu sira seluk,” nia hakotu.
Jornalista : Pedro de Almeida
Editora : Nelya Barros
