Lafaek News–Ministériu Saúde komemora loron Nasionál Saúde ba dala V ho tema Fortalesimentu Prontidaun Servisu Saúde Públika hasoru Covid-19 nu’udar dalan ba Normalidade iha atendimentu Públiku.
Ministra Saúde Odete Maria Freitas Belo, hateten, Loron Nasional Saúde sai hanesan loron importante iha nasaun halo reflesaun kona-ba povu nia direitu no estadu nia dever kria kondisaun di’ak no dignu asegura kobertura universál saúde ba populasaun.
“Maske iha situasaun Covid-19, maibé ministeriu Saúde hamutuk ho entidade hotu selebra loron Saude Nasionál hodi hafanu ita hotu moris diak no saudavel liu-liu iha pandemia Covid-19, resolusaun governu numeru 6/2019 8 de Febreiro loron Saúde Naaional, no governu Timor- Leste liu husi ministeriu Saúde selebra loron saúde nasional ba dala V.” Esplika Ministra Saúde, Odete Maria Freitas Belo, liu husi nia diskursu iha komemorasaun loron saúde nasionál iha Kovalima, Kinta, (22/07/2021)
Nia hatutan, Bazeia ba termus referénsia realizasaun loron nasionál saúde, ministériu Saúde halai atividade lubun boot hanesan halo dialogo no tratamentu jeral ba komunidade sira iha suku Lepo Postu Administrativu Zumalai no ami ko’alia liu husi halo diálogu talk show kona-ba dezafius dezenvolvimentu saúde iha periodu pandemia Covid-19.
Iha fatin hanesan Administradór Munisípiu Kovalima Francisco de Andrade afirma, nu’udar autoridade munisípiu Kovalima hato’o agradesimentu ba Ministra Saúde deside selebra loron Nasionál Saúde iha munisípiu Kovalima, ho nune’e hakarak dehan Covid-19 tama iha Timor hahú iha munisípiu Kovalima husi postu Fronteira.
“Durante ne’e faktus hatudu númeru bo’ot no sae makas liu iha Covalima maibé grasa Adeus ami Covalima la iha ema ida mak mate tan Covid-19.” Tenik Administrator Munisípiu Kovalima.
Jornalista : Sandi Belo
Editór : Agapito de Deus
