Lafaek News–Timor Leste rezista ona variante Delta Nain 4, Timor oan nain 3, estranjeiru 1, pasiente nain 1 Negativu ona, nain 3 sei iha izolamentu hodi halo tratamentu intensivu.
Ministra Saúde, Odete Maria Freitas Belo, informa katak rezultadu sekuensiasaun genómica husi amostra 300 ne’ebé Laboratoriu Nasional Saúde haruka iha dia14 de Jullu de 2021 ba Peter’s Doherti Institute iha Melbourne, Austrália, ho pedidu atu halo teste urjente ba amostra balun, hatudu katak amostra husi ema nian 4 ne’ebé tama husi Indonézia iha loron 26 de Juñu ho loron 8 fulan Jullu, iha lineajen B.1.617.2 (Delta), variante ne’ebé preokupante, ka ‘’variant of concern’’.
“Sira nian 4 ne’e iha hotu fatin kuarentena no izolamentu, 1 negativu ona, no fila ona ba uma, nain 3 sei nafatin iha izolamentu, no to’o agora seidauk iha evidénsia katak variante ida ne’e, mak da’et ona iha komunidade,” informa Odete Maria Freitas Belo, ba jornalista sira, liu husi konferénsia imprensa iha Sentru Integradu Jestaun Krize, sala situasaun, Sesta (23/03/2021)
Ministra Saúde ne’e informa, variante foun nain 4 ne’e, Sidadaun Timor oan nain 3 no Estranjeiru 1, no sira nain 2 asintomatiku,1 iha Vera Krus ho sintomas, nune’e Mane ida mak negatjvu ona, no sira nain 3 ne’e sidadaun Indonézia ne’e mak kompleta ona vasina, Timor-oan nain 3 ne’e foin simu vasin 1 doze
” Husi amostra 300 ne’e nain 4 mak ita deteta ona varian Delta, maibé 200 resin sei hein hela rezultadu teste,” tenik nia
Jornalista : Sandi Belo
Editór : Agapito de Deus
