SAÚDE · 15 Mar 2021 10:46 ·

MS Kazu Pozitivu Covid-19 Foun Nain 7, Atual Baixa 99 La hatudu Sintomas


MS Kazu Pozitivu Covid-19 Foun Nain 7, Atual Baixa 99 La hatudu Sintomas Perbesar

Lafaek News—Ministériu Saúde ohin (15/03/2021), rejista tan kazu pozitivu Covid-19 foun nain 7, entre numeiru ne’e nain 5 iha munisípiu Dili no nain 2 husi munisípiu Vikeke postu-administrativu Ossu no Watulari, rekuperadu 5, atual baixa 99 maibé la hatudu sintomas.

“Kazu nain 7 ohin, iha mane nain 5, feto nain 2, idade husi 14 to’o 43 iha ema nian 14, hotu-hotu asintomátiku, ka la hatudu sintomas, husi 1 de Janeiru to’o 14 de Marsu 2021, total kazu detetadu pozitivu iha 143, 54% feto no idade media varia entre tinan 22-44,” dehan koordenadór Forsa Tarefas ba Prevensaun no Mitigasaun Surtu Covid-19, Rui Maria de Araújo, ba jornalista sira liu husi meeting zoom, segunda (15/03/2021).

Koordenador ne’e hatutan, 38% diagnostikadu iha kuarentena, no 62% diagnostikadu iha komunidade, ka la’os iha kuarentena nia laran.

“Husi kazu hirak ne’ebé diagnostikadu iha komunidade nia le’et, 67% rezidente iha Dili, 24% iha Covalima, 8% iha Baucau, 1%  iha Viqueque,” dehan nia

Portavoz esplika, husi totál kazu foun iha leten, sira nain 5, iha munisípiu Dili, ho detalles hanesan tuir mai; Kazu pozitivu 1, iha kuarentena Carla Mansion no kazu pozitivu 1 husi aldeia Hura, suku Motael, postu-administrativu Vera-Kruz.

Nia hatutan, pozitivu ida ne’e kontaktu besik ho kazu konfirmadu ida husi Cluster aldeia 4 Setembru, ne’ebé mós hetan transmisaun husi nia la’en husi Cluster Ministério Transporte Komunikasaun (MTK), no kazu pozitivu 1 seluk husi aldeia Terra Santa, suku Madohi, postu-administrativu Dom Aleixo, kazu ida ne’e husi rastreiu aleatóriu.

Kazu pozitivu 1, husi aldeia Fomento III, suku Comoro, postu-administrativu Dom Aleixo, pozitivu ida ne’e kontaktu besik ho kazu konfirmadu ida husi Cluster aldeia Fomento III, no mós kazu pozitivu 1 husi aldeia 5 de Outubro, suku Bairro Pite, postu-administrativu Dom Aleixo.

“Pozitivu ida ne’e deteta husi amostra vijilánsia sentinel iha HNGV no kazu pozitivu 1 husi aldeia 5 de Outubro, suku Bairro Pite, postu-administrativu Dom Aleixo. Pozitivu ida ne’e deteta husi amostra vijilánsia sentinel iha HNGV,” hatete nia.

Ho  nune’e,  kazu detetadu ka pozitivu iha Munisípiu Dili husi dia 7 de Marsu to’o ohin, hamutuk hotu 72, husi kazu detetadu ne’e iha Dili ne’e, fahe ba cluster 22, namkari iha instituisaun 3, eventu 1 ho suku 7 iha postu-administrativu D. Aleixo, no mós postu-administrativu Vera Cruz.

Aleinde ne’e mós informa, laboratoriu Nasionál Saúde simu 158 amostras horiseik husi Munisípiu Vikeke, hafoin halo  análize deteta kazu pozitivu ema na’in rua (2).

“Ida husi aldeia Umane Iku, Ossu de Cima, postu-administrativu Ossú, ida seluk husi aldeia Lari, suku Afaloikai, postu-administrativu Uatu-Lari, nain 2 ne’e hotu husi DIli, ida primeiru iha dia 12 de Marsu, ho autorizasaun SIJK atu ba hakoi mate, ida segundu iha        dia 8 de Marsu, nune’e ekipa konjunta saúde hala’o ona atividade buka tuir kontaktu besik husi kazu positive nain 2 ne’e,” informa nia.

Entretantu ikus liu koordenador ne’e relata, dadus jeral Covid-19 ba loron ohin (15/03/2021) nian máka kazu foun 7, kazu rekuperadu 5 no mós kazu ativu 99.

 

 

Jornalista                     : Sandi Belo

Asisten Editór              : Pedro de Almeida

1,311 Views
Artikel ini telah dibaca 1 kali

badge-check

Editor

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE