Lafaek News—Xefe Gabinete Kontrolu Kuantidade Komunikasaun Sosiál, Sara Maria F. Xavier, afirma atendementu iha HNGV la’o hanesan normal, familia ne’ebe lori hahan husi uma entrega de’it iha portaun, tanba labele lori liu ba pasiente ne’ebe bbaixa hela.
“Atendementu iha HNGV la’o hanesan normal, maibé ita iha redusaun ituan ospitál ladun rame kompara ho semana hirak liu ba, maibé atendementu iha infermasia poliklínika la’o nafatin pasiente, vizitor no família sira mai iha HNGV liu kedan ba tenda hodi halo tiha rastreiu ba sira maka bele tama ba iha HNGV hodi ba konsulta ka hare família moras,” Sara informa ba jornalista sira iha HNGV, segunda semana ne’e.
Nia dehan, oras vizita mantein, maibé la’os hanesan bai-bain só autoriza ema ida de’it mak hein pasiente ne’ebé baixa iha hela iha ospitál, bainhira família sira lori hahán husi uma entrega de’ir iha portaun HNGV hafoin lori ba pasiente ne’ebé baixa.
“Ita autoriza pasiente ida família ida mak hein família ida mai troka fali família ida hein ne’e mai iha oras vizita se la troka, lori hahan husi uma mai intrega de’it iha portaun boot família ida ne’ebe hein nia mak sei sai mai lori ho kartaun simu tiha hahán ka roupa sira ne’e maka nia tama fila fali ba,” Sara subliña.
Atendimentu kona-ba emerjénsia no kuidadus espesializadas hanesan bai-bain, maibé haree husi númeru pasiente iha reduzaun signifikatvu.
Jornalista : Sandi Belo
Editóra : Nelya Barros
