Lafaek News—Governu liu husi Vise Primeiru Ministru no Ministru Coordenador dos Asuntu Sociais hamutuk ho Ministériu Saúde entrega ofisialmente ambulánsia 5 ba SNAEM I.P hodi utiliza iha operasaun emerjénsia.
Vise Ministru Para o Fortalesimentu Institusional de Saúde, Jose dos Reis Magno haktuir Servisu Nasional ba Ambulánsia emerjénsia médika, da-daun ne’e iha Ambulánsia 30 disponivel atu bele halo operasaun iha Timor-Leste, maibé iha Planu ba 2025 sei prevé tan orsamentu 300 milloens hodi sosa ambulánsia
“Iha planu ba 2025 nian Prevé osan besik 300 Mill atu sosa tan ambulánsia foun 5 maibé depende ba presu Global ne’ebé Ita sei imfrenta mesmo ho servisu emerjénsia médiku iha munisípiu ida-idak mínimu tenki iha ambulánsia tolu atu bele ajuda malu,” nia dehan.
Tuir nia haktuir, ho situasaun saúde nian iha munisípiu balun iha ambulánsia ida balun iha rua ho kondisaun mínimu ne’ebe governu iha koperasoens sira la’o nafatin, maske neneik más bebeik, governu tau matan atu oinsá kondisoen mínimu bele rezolve.
Iha Sorin seluk Vise primeiru, Ministru Cordenador dos Asuntu Sociais Mariano Asanami Sabino haktuir, akresenta, ba tinan 2025 sei aumenta tan ambulánsia unidade 5, hodi nune’e bele sukat ona ho kapasidade hirak mak presiza bele halo kompleta iha tinan 2026, tanba fasilidade hirak ne’e importante ba saúde sira hodi hala’o servisu iha area rural no nasional
“2025 mos Ita aumenta tan ambulánsia lima hanoin tuir Ida ne’e tenki sukat ona ho kapasidade hirak mak Ita presiza Ita bele halo kompleta iha tinan 2026 tanba fasilidade hira ne importante saúde edukadaunne’e pilar rua importante tebes ba Ita nia estadu no Ita nia nasaun, maibé pilar rua mos iha nasaun seluk mos sempre mosu problema tanba fo seris ne’ebé Mak ba Ema barak ba Timor Leste nee sai propridade fundamentu tebes Ita tai iha planu estrátejiku dezenvolvimentu nasional,” Assanami afirma.
Iha sorin seluk, Diretor Jerál SNAEM Simplicio Amral de Deus, relata viaturas ambulánsia hirak ne’e kompras husi OJE 2024 ne’ebé aloka ho montante $300 Mill, mesmo ho kuantidade ambulánsia 5 más seidauk bele kobre evakuasaun servisu emerjénsia iha Timor Leste
“Viaturas ambulánsia sir nee kompras ho orsamentu jeral o estadu 2024 ne’ebe Aloka ho montante 300 Mill ho objetivu kompras ambulasia ne’ebé heran aprovasaun husi parlamentu nasional ho orsamentu SNAEM ho montante $ 2 milloens 4133 Mill,928 dolares ho orsamentu hirak nee Mak SNAEM kompras ambulasia 5 mesmo ho kuantidade Ambulánsia lima repere nafatin sedauk bele kobre evakuasaun emersebsia iha Timor Leste laran tomak”
Ho Ambulánsia 5 ne’ebe SNAEM hetan sei fo espíritu servisu diak liután hodi assegura no no serbi povu iha nasaun Timor-Leste
Tuir dadus ne’ebé fo sai husi SNAEM total viaturas ambulánsia atul iha munisípiu 12 no mos rae-oa hamutuk 58 no ambulánsia hirak ne’e ho kondisaun d’iak hamutuk 30 no 28, hirak ne’ebé kondisaun at hatama ona ba patrimóniu estadu
Jornalista : Felix Fernandes
Editor : Agapito de Deus