Lafaek News—Prezidente Board Raes Hadomi Timor Oan (RHTO), atual asesor principal asuntu inkluzaun Prezidénsia Repúblika, Gaspar Afonso hateten polítika IX governu konstitusional tenke loke oportunidade ba ema ho defisiénsia hodi asesu edukasaun inkluzivu.
Gaspar Afonso hatoo asuntu ne’e hafoin partisipa iha komemorasaun loron mundial defisiénsia ne’ebé tinan realiza iha muisípiu Likisa, Segunda (02/12/2024) iha salaun Tokodede.
“Objetivu ita luta ba asuntu ema ho difisiénsia seidauk iha finalidade, tanba ema ho difisiénsia barak mak moris iha pobreza nia laran, liu-liu asesu ba edukasaun ne’ebé di’ak, tanba ema ho difisiénsia matan, tilun, psikolojia sosiál, intelektuál no tipu difisiénsia sira seluk, ita tenke husu ba autordade sira, liu-liu iha munisipiu Likisá planu saida mak sira halo ba ema ho difisiénsia iha munisipiu ne’e rasik, tanba ema ho difisiénsia barak mak seidauk asesu ba edukasaun no balun remata ona sekundáriu, maibé laiha kbi’it atu kontinua ba universidade no balun kontinua remata ona universidade, maibé laiha kampu servisu,” Gaspar Afondo salienta.
Governu iha responsabilidade atu tau matan ba asuntu defisiénsia, ema ho defisiénsia iha direitu tomak asesu edukasaun iha prosesu konstrusaun estadu ida ne’e, tanba ema ho defisiénsia mos kontribui ba prosesu libertasaun nasional.
“Saida mak ita halo hodi haree ba ema ho difisiénsia sira nia diretu atu asesu ba edukasaun ne’ebé di’ak no seguru, ita tenke iha hanoin ne’eb’e di’ak hodi husu ba prezidente autoridade munisipiu Likisá iha tinan 2025 saida mak atu halo ba ema ho difisiénsia, alende ne’e mós husu ba membru RHTO, ne’ebé desloka iha munisipiu Likisá tenke kolabora ba malu servisu hamutuk hodi haree ba asuntu inkluzaun, ita nia konviksaun ba direitu ema ho difisiénsia hetan ratifikasaun iha loron 04/07, tinan 2022, promulgadu husi prezidente RDTL iha loron 12 fulan jullu tinan 2023, alende ne’e mós iha planu asaun nasional hetan aprovasaun husi konsellu ministru iha loron 06/08/2021 to’o 2030, iha tinan oin ita sei halo fila fali avaliasaun ba implementasaun planu asaun nasional, tanba ne’e ita husu ba prezidente autoridade munisipiu Likisá, karik iha planu atu halo konstrusaun balun iha Likisá tenke konta mós nesesidade ema ho difisiénsia
Tan ne’e, organizasaun Raes Hadomi Timor Oan mós destaka iha munisipiu, servisu hamutuk ho parte relevante sira hodi tau matan ba asuntu ema ho difisiénsia, tanba ema ho difisiénsia sira Konstituisaun RDTL, iha artigu 16 ho 21 hatete ema hotu iha diretu hanesan, más ema ho difisiénsia barak sei moris iha vulneravel.
“Ita nia maluk difisiénsia sira ho idade 17 mai kraik seidauk asesu supsidiu ne’ebé mak governu atribui ba ema ho difisiénsia sira. Nia sublina.
Observasaun jornalista Lafaek News iha komemorasaun loron mundial ba ema ho ho difisiénsia ne’e, partisipa mos Vise Ministra MSSI, Prezidente Autoridade Munisipiu Likisa, inklui ema ho defisiénsia munisipiu Likisa, eventu ne’e komemorasaun ne’e la’o di’ak tanba hetan seguransa másimu husi PNTL no hetan mos transmisaun direta husi media Lafaek News.
Jornalista Magan : Natalia de Jesus
Editor : Agapito de Deus
