Mota Lori Estudante Mane Ida Husi EBS Odofuro Seidauk Hetan

Lafaek News—relasiona ho udan maka’as iha segunda (03/07/2023) semana ne’e, provoka korente mota forte iha parte munisípiu Lautém, konsege lori estudante husi EBS Odofuro nain haat, konsege hetan hikas nain tolu, no mane ida lakon too agora seidauk hetan.

***Komunidade sira hamutuk hobur hela iha mota ninin ne’ebe hodi buka tuir estudante mane ida n’eebe mota Odofuro lori, too ohin seidauk hetan. imajen Arnaldo Nunes..***

“Iha akontesimentu ne’e mota Odofuro lori estudante nain haat nain tolu salva husi familia no sei moris, nain ida labele salva no too agora seidauk hetan, tanba mota Odofuro korente maka’as los seidauk hetan,”diretor eskola EBC Odofuro Tomas da Costa ba jornalista iha suku odofuro, tersa (04/07/2023.

Diretor eskola Ensinu Báziku Sentral Odofuro ne’e informa, oráriu EBF Odofuro normalmente iha turma rua dadersan premeiru Ciclu no segundu Ciclu iha parte meiu-dia ne’e terseiru Ciclu komesa husi 7, 8, no 9 ano akontesimentu ne’ebé akontese iha horseik segunda 03/-7/2023, iha aula parte tarde hanesan eskola ne’ebé besik mota, akontese agora da-daun ne’e.

“Entaun labarik sira ne’e sai husi eskola normalmente tuir lolos iha oras 5:35 Otl mak sai, maibe ita nia oan sira ne’ebe ho mestri balun difikuldade, entaun sira sai iha 5:20 mintus sira sai husi aula, ne’e ultima aula, labarik ida ne’ebé akontese horseik loraik iha oras 5:35 minutus mais ou menus nain haat, oitavo ano terseiru ciclu feto rua mane ida ba 9 ano, mane ida hamutuk nain haat, feto ida mane ida pertense husi aldeia Lereadu suku mainaII postu administrativu Lautem, feto ida mane ida ne’e pertense husi aldeia Jefaliu suku Afabubu postu administrativu Luro, ne’ebé nain haat akontese iha fatin ne’ebé da-daun ita hela ba ne’e, feto rua mane ida orseik konsege salva duni horseik loraik mais ou menus iha oras tuku 7 atu tama ba tuku 8, mane ida sira ne’e sei moris, mane ida mak lakon horseik too agora seidauk hetan moris ka mate ita seidauk la hatene,”dehan diretor Tomas.

Iha akomtesimentu mota lori estudante nain haat ne’e, diretor eskola EBS Odofuro kontaktu kedan parte protesaun sivil, maibé kestaun udan la fo fatin ekipa bombeirus la konsege too iha fatin akontesimentu.

Iha fatin hanesan, Segundu Komandante Operasaun Bombeirus munisípiu Lautém, José Paicheco argumenta, nia parte simu duni informasaun, maibé distánsia dook liu nune’e ekipa bombeirus la konsege ajuda.