Lafaek News—Ministru Koordenadór Asuntu Ekonómiku Joaquim Amaral, afirma setór privadu sira tenke asume responsabilidade hodi garantia nafatin montante osan no sasan ne’ebé kontratu ona ba to’o iha benefisiáriu sira liman.
MKAE, Joaquim Amaral
“Karik sasán iha kapazes ne’e la to’o ne’e responsabiliza governu nian, neduni hau husu ba ita hotu atu tau matan para hadi’a, tanba konserteza bele akontese sasan la to’o, maibé hanesan ministru kordenadór husu ona ba iha organizasaun fiskalizadór sira hanesan PDHJ, KAK no NGO atu ajuda monitoriza, nune’e kompaña sira halo servisu di’ak atu bele kumpri kontratu ne’ebé sira halo ona ho governu” dehan Joaquim Amaral ba jornalista sira, iha salaun katedrál Dili foin lalais ne’e.
Hodi dehan, ajustasaun direta atu fornese sesta bázika ne’e, tanba natureza emerjénsia entaun governu difisil atu hili aprozionamentu normál, se programa ne’e fulan 2 aprova to’o fulan 3 iha nia lei rasik permite atu ajudiksaun direta, maibé ajudiksaun direita ne’e iha nia regras ne’ebé ho justifikasaun tenke klaru.
“Ha’u hanoin buat hotu halo iha koridór legál nian transparente, no husu nafatin komunidade sira, jornalista sira atutau matan ita hotu hamutuk hodi hadi’a prosesu ida ne’e, tanba programa ne’e primeira vez iha ita nia istóriku konserteza labele susesu kuandu kontribuisaun husi parte hotu-hotu, karik dehan falta buat ruma, ami nafatin anota hodi kordena atu bele hadi’a” hakotu Nia
Jornalista : Juvita dos Santos
Editora : Nelya Barros
