Lafaek News–Ministru Finansas (MF), Rui Gomes, afirma nia parte seidauk bele halo pedidu OJE 2021 ba Banku Sentral Timor Leste (BCTL), tanba likides sei sufisiente.
Rui Gomes kasu lia hirak ne’e ba jornalista sira hafoin remata sorumutu ho Primeiru Ministru (PM), Taur Matan Ruak, tersa (05/01/21), iha palasiu goverenu, hodi hatoo informasaun MF nian ba xefe governu kona-ba preparasaun ba ezekusaun Orsamentu Jerál Estadu 2021.
“Mai informa ba exlensia Primeiru Ministru kona-bá preparasaun ba exekusaun orsamentu 2021 nian, buat ne’ebé ami prepara hela, tantu ami hakarak deit karik loron aban diskute kona-bá dekretu ezekusaun orsamentu, ida ne’e maka asuntu principal,” hateten MF Rui Gomes hafoin sorumutuk ho PM Taur Matan Ruak.
Governante ne’e fundamenta, seidauk iha nesesidade atu halo pedidu ho razaun likides sei iha, signifika osan sei iha nune’e la presiza tan atu halo pedidu ba banku sentral Timor Leste.
“Ami hanoin katak seidauk iha nesesidades atu halo pedidu, tanba ita nia likidez sei iha, komu osan sei iha ita lapresija halo pedidu ba Banco Central. Likidez millaun $ 325 resin , ami sei monitoriza loron-loron tantu medida liquides ne’e tun ba $ 200 milloes, ami sei halo pedidu ba Banco Central,” nia relata.
Governante informa, pedidu dahuluk tuir aprovasaun husi orsamentu 2020, iha millaun $ 936.3, osan ne’ebé Ministériu Finansas husu, levantamentu fundu petrolíferu hamutuk $ 886.3, nune’e ohin loron sei falta maka millaun $ 500, atu hamutuk millaun $ 963.300.
Enkuantu prosedimentu ba levantamentu ne’e autorizasaun husi Parlamentu Nasionál, bainhira orsamentu jerál estadu aprova ona Ministru Finansas akapta ba ezekuta.
Jornalista : Pedro de Almeida
Editora : Nelya Barros
