Lafaek news- Staff tékniku produsaun plantas Ministériu Agrikultura no Péska, Juanico Correia, hatete, komunidade agrikultór sira bele uza tékniku kulturál hanesan ahu-kdesan, Ahu-kdesan, nuu u’ut no mina fahi hodi prevene pesti Lakataru makerek.
“Atu atua pesti Lakataru ita Bele uza ahu-kdesan, karii iha batar nia tutun ne’e para Lakataru labele tama ba batar dulan hodi estraga batar tahan,” Staff tékniku produsaun plantas Ministeriu Agrikultura no Péska, Juanico Correa hatete iha nia kna’ar fatin komoro foin lalais ne’e
Peskizadór ne’e hatutan, bele karii mó nuu u’ut ba batar dulan para bele atrai nehek barak hodi nune’e nehek bele ataka pesti lakataru atu labele estraga batar.
bele mós uza mina fahi hodi kose ba batar tahan atu nune’e bele atrai nehek hodi bele ataka fali pesti refere.
Nia afirma iha Tinan kotuk sira fó kapasitasaun ba Agrikultór sira balun oinsa atu uza ita nia biopestisida husi natureza
“Atu hatene liu tan dadaun ne’e ami servisu hamtuk ho ajénsia Food and Agriculture Organization (FAO) prodúz Filmazen ho intesaun atu alerta liu husi media oinsa atu halo atuasaun ba pesti Lakataru makerek ne’e ,” klarifika nia
Nune’e mós sira kopera hamutuk ho Market development Facility (MDF) halo video ida oinsa atu bele deteta peste lakataru ne’e nia siklus moris no sinais estraga Batar no mós oinsa bele uza mekanizmu kontrolu simples para bele prevene peste ne’e,” dehan nia
Nia konklui, Mekaniamu Ikus liu mak ita bele uza ho petesida kímiku mak hanesan, insektisida bassa, Dursban, Dharmabas no sira seluk hodi bele atua pesti refere.
Jornalista : Felisberto F. da Costa
Editór : Acaio Pinto
