Lafaek News—Relasiona desizaun Konsellu ministru (KM), segunda (08/03/21), aprova ona medida serka sanitaria iha minisíspiu Dili, ho nune’e, Ministru Ensinu Superior Siènsia Kultura (MESSK) sei elabora despaisu hodi suspende prosesu aprendizajen ba universidade hotu iha Dili.
“Ha’u sei orienta ekipa halo elaborasaun atu haree ba kestaun ida-ne’e ” informa, Longuinhos dos Santos, Ba Jornalista sira, hafoin remata reuniaun extraordianriu Konsellu Ministru Iha edefísiu ministériu finansas (MF) Aitarak Laran, Dili, Segunda (08/03/2021).
Ministru Ensinu Superior Siènsia Kultura (MESSK) Longuinhos dos Santos, hatete rezolusaun ne’e tama iha rezolusaun, tuir mai liu husi despaisu atu bele haruka ba iha ensinu superior sira, mas ba da-daun MESSK elabora hela despaisu hodi haruka ba universidade sira atu suspende apredijazen iha universidade sira
Nia afirma, tuir rezolusaun ne’ebè iha loron hitu- tuir mai sei ajusta fali ba rezolusaun refere atu bele haree posibilidade bele reativa hikas prosesu aprendizajen iha nivel universitáriu iha loron tuir mai.
Entretantu, governu liu husi reuniaun extra-ordináriu Konsellu Ministru (KM) aprova ona medida serka sanitária no komfinamentu obrigatóriu iha munisípiu Dili durante loron hitu (7) hahú orsida tuku 00:00 to’o loron 15 fulan Marsu 2021.
Jornalista : João da Costa Soares
Asisten Editór : Egidio Nono
