Lafaek News—Ministru Eduksaun Juventude no Desportu (MEJD), Armindo Maia, informa hahú aban loron tersa (09/03/21), prosesu aprendizajen hahú husi ensinu primaria too nivel sekundáriu sei suspende provizóriu bazea ba desizaun Konsellu Ministru.
“Horikalan ha’u foti kedas desizaun hodi suspende provizoriamnete eskola sira iha mota Komoro ba Tasi-tolu, ohin desizaun deliberasaun konsellu Ministru atu aplika serka sanitáriu, orsida lokraik despaisu ida sei husi Ministeriu atu ajusta ho rezolusaun governu ho serka sanitáriu, suspensaun ba prosesu aprendisazen sei hahù aban to’o iha lron salunulu resin lima (15), ba eskola iha munisipiu Dili,” Informa MEJD Armindo Maia ba Jornalista sira iha MF Aitarak Laran Segunda-feira 08/03/2021, hafoin reuniaun extraordinariu Konsellu Ministru.
Governante ne’e hatutan kona-ba munisípiu Kovalima nafatin bazeia ba despaisu ne’ebè uluk hahù husi loron (13), ba ajustasaun depois maka haree hikas progresu tuir mai bele reativa prosesu aprendisajen tuir kalendáriu normal.
Jornalista : João da Costa Soares
Editora : Nelya Barros
