Lafaek News—Tuir Planu Ministériu Ensinu Superior Siènsia no Kultura (MESSK), ba Tinan ne’e sei halo Lelaun Ba Motorizadas 7 ho Karreta 6 Inklui ACC 10, no Komputador besik unidade 20 resin.
“Ministeriu Ensinu Superior iha kareta hamutuk (25), ne’e mai husi Ensinu Superior No Siensia Kultura, segundun motorizada hamutuk 49 husi MESS no mòs SEAK, depois iha tinan ida ne’e Planu ne’ebè mak Ministeriu atu halo lelaun maka iha Motoriza ne’e hitu (7), no kareta neen (6) ne’ebè maka tama ba Leilaun,” Informa Inspetor Jeral MESSK Higino Alves Ba Jornalisa iha Salun Novu Turizmu Kinta semana ne’e.
Hodi dehan, kona-ba kareta nia kondisaun balu la di’ak ona no balu nia manutensaun kustu ne’e boot liu fali ida ne’ebe sosa foun, ho ida ne’e mak diresaun jerál finansas no lojístika análiza atu halo poupansa ida ne’ebè di’ak liu tenke tama iha kategoria lelaun no sei servisu hamutuk ho patrimoniu estadu hodi haree ba prosesu lelaun.
presu lelaun tabela ne’e iha kedas patrimóniu estadu ho finansas maka hatene ida ne’e, maibé tinan ne’e tenke tama iha lelaun no prosesu koordenasaun hela ho patrimóniu estadu, Inklui mòs Komputador ruanulu resin no acc sanulu tama mòs iha lelaun atu nune’e bele poupa ba orsamentu,” Nia relata.
Entertantu husi Motorizadas, kareta no komputadores, inlui acc iha ne’ebè iha atu halo lelaun, nakloke mòs ba publiku no mòs internal depende ba ema hotu-hotu bele asesu, se mak lais nia mak sei hetan.
Jornalista : João da Costa Soares
Editór : Agapito de Deus
