Lafaek News—Ministériu Ensinu Superior Siénsia no Kultura (MESSK), ho Sekretáriu Estadu Arte no Kultura (SEAK), realiza semináriu hato’o ba diretores jerais sira atu uza patrimóniu estadu tuir lei hodi kontribui ba boa-governasaun.
SEAK Teofilho Caldas, hatoo asuntu ne’e hafoin loke abertura semináriu ho tema “jestaun administrasaun públiku no utilizasaun patrimoniu estadu ne’ebé di’ak kontribui ba boa governasaun no jestaun instituisionál ba diretores inspesaun jeral sira husi SEAK no MESSK, atu nune’e labele komete iregulaidade.
“Objetivu husi semináriu ida ne’e ita hakarak ezije ba dirijente no kargu xefia sira atu kumpre dekretu Governu Nu. 8/2010, kona-ba utilizasaun patriomóniu estadu, atu garante boa governasaun, ita tenki intende didi’ak ita nia direitu no dever,” dehan reprezentante MESSK-SEAK, Teofilio Caldas, ba jornalista sira iha Salaun Novu Turizmu, kinta-feira, (24/06/2021).
Teofilho informa, kargu xefia no dirijentes sira bele uza fasilsidade sira ne’ebé estadu oferese hanesan karreta motor, uza tenke tuir lei.
“Labele haluha atu kumpri lei no labele uza sasan sira ba nesesidade privadu, dala barak liu utilizasaun sala, la’os ema barak maibé pursentu 0,5 máka komete iregularidade mas em prinsipiu ita hakarak ema hotu-hotu kontribui ba boa governsaun,” nia sujere.
Husu ba inspetor Minsitériu nian tenke halo inspesaun ba fasilsidade estadu nian, tenki para hotu iha edifisiu, kuandu sira lori primeiru halo xamada ba sira no investigasaun no razaun saida, hare’e máka komete iregularidade, inspetor jeral prosesu sira tuir lei ne’ebé vigora.
Enkuantu nia hatete, durante mandatu husi SEAK-MESSK kompleta ona tinan tolu maibé kargu xefia sira sedauk komete iregularidade ruma, no husu atu hatudu nafatin disiplina no kontinua kumpri sira nia dever.
Jornalista : João da Costa Soares
Asisten Editór : Pedro de Almeida
