Lafaek News—Ministériu Ensinu Superior Siénsia no Kultura (MESCC-sigla Portugés) sesta (18/08/2023), hala’o sorumutuk ho konsellu reitór universidade hotu iha Timor Leste hodi rona direta sira nia hanoin no sujestaun ba MESSK hodi dezenvolve universitáriu sira iha futuru.
“Enkontru ne’e importante, tanba ne’e hanesan ministru ensinu superior ita tenki rona reitor sira nia hanoin, tanba sira hanesan membru konsellu reitores importante ba imput ne’ebé sira fó ministériu bele uza ida ne’e sai ouput ida diak hodi halo dezisaun ruma ne’ebé diak ba ensinu superior sira iha Timor-Laran tomak,” MESCC, José Honório da Costa Pereira Jerónimo ba jornalista sira foin lalais ne’e.
Hodi dehan, intensional enkontru ne’e atu rona direita reitores sira nia hanoin kona-ba oinsá atu hadia atendimentu ruma iha ministériu ensinu superior, nu’udar ministru foun iha ensinu superior, agradese ba sira, tanba sira bele fó hanoin buat balu ne’ebé diak, atu nune’e ministériu ensinu superior bele mellora diak liutan servisu.
“Husu ba reitores sira hotu katak, sé sira hakarak loke programa foun tenki husu lisensa ba ministériu, tanba iha IX governu konstituisional, liu-husi ensinu superior iha programa 23, programa ida ne’ebé mais importante mak atu haree komisaun kordenadora ba ensinu superior sira, atu nune’e haree sira nia problema, atu nune’e ba futuru governu bele fó asistensia ruma, nune’e sira bele eleva kualidade iha futuru, tanba depois de 20 anus ita haree katak, ita nia instituisaun ensinu superior sira hanesan, universidade no instituisaun seluk, ita iha ona 151 programa ne’ebé ANAA halo avalisaun, maibé ita iha 73%, ita iha hela nivel C, iha ne’ebé UNTL hanesan instituisaun superior governu nian, ita foin akredita de’it kursu ida enjenária nian iha nivel A, tanba barak liu iha nivel C, hodi ita hetan 73%”. Governante ne’e haktuir.
Sorin seluk Reitor UNPAZ, Adolmando Soares Amaral, reforsa liu-husi mandatu foun ministériu edukasaun ensinu superior nian, ba dahuluk ministru konvoka reuniaun konsellu regulares, tanba ita iha IX, governu konstituisional iha ministru anterior konsellu regulares tinan ida enkontru dala ida, liu-husi ministériu ida ne’e parseiru estratéjiku mak ensinu superior sira, tanba ne’e ita remenda ba konsellu ministru konvoka reuniaun konsellu reitores ne’e labele tinan ida dala ida, maibé halo fulan tolu ka fulan neen nia laran.
“Sé bele iha tinan ida akontese dala tolu, tanba parseiru estratejiku ba ministériu ida ne’e mak ensinu superior sira, entaun ita tenki enkontru bebeik, atu nune’e ita bele fó hanoin ba ministériu, atu nune’e polítika edukasaun ensinu superior ne’e tenki aposta tuir dinámiku ne’ebé la’o iha ensinu superior sira iha TL, atu nune’e hamosu programa foun sira, nune’e mós buka programa sira ne’ebé iha ita nia rai seidauk iha, sira ne’ebé iha ona ensinu superior sira, ita labele halo públikasaun iha rai laran, ita husik sira, sira fokus iha ne’eba hodi desenvolve garante sira nia kualidade no ensinu superior sira seluk bele buka programa seluk, atu nune’e ita hotu bele prepara rekursus husi ciéncia disiplina ne’ebé diferente, atu nune’e ita bele fokus hodi fó alternative ba ita nia nesesidade nasaun nian”. Adolmando hakotu.
Jornalista : Crispin de J. Amaral
Editór : Agapito de Deus
