Lafaek News—Traballador 175 kompostu husi feto 72 no mane 103, Sesta (18/08/2023) halo despedida no asina deklarasaun ho SEFOPE hodi semo ba Austrália iha tempu badak.
Sekretariu Estadu Formasaun Professional no Empregu, Rogério de Araújo Mendonca, husu ba traballador sira bainhira sai husi Timor Leste kuidadu didi’ak dignidade nasaun Timor Leste nian iha nasaun seluk hodi valoriza Timor nia identidade.
“Atu hato de’it ba Ita boot Sira kuidadu didi’ak bainhira Ita boot Sira sai husi Ida ne’e ba lori idantidade nasaun Timor Leste uza sapeu RDTL kamizola RDTL tau dignidade nasaun Timor Leste, iha Ema seluk nian hodi valoriza Ita Nia nasaun nia identidade iha Austrália nasaun democrasia nasaun ne’ebe Mak livre maibe ema lia livre limitadu ho Sira,” Rogério Araújo Mendonça ba jornalista iha foin lalais iha salaun SEFOPE Kaikoli.
Sekretariu estadu ne’e dehan, traballador sira ne’ebe ba servisu iha Austrália ho Korea mos konsidera sira hanesan mos heroi segundu-lina ba nasaun TL, tanba sira mos servisu iha nasaun seluk hodi hadia ekonomia familia nian no mos kontribui ba nasaun ida ne’e,
“Ita boot sira sai heroi segundo- Lina ba nasaun Ida ne’e heroi primeiro-lina Mak liverta ona Rai no povu Ida ne’e iha 1999 maibe Ita boot Sira ne’ebe Mak sia ba servisu iha Austrália hodi hadia ekonomia familia hadia mos ekonomia Rai laran tanba ne’e Ita boot Sira Mak sai heroi segundu-lina ba nasaun Ida ne,”nia dehan.
Entretantu traballador nain 175 ne’ebe atu aranka ba Austrália kompostu husi traballador tuan nain 90 no traballador foun 85, traballador hirak ne’e sei servisu iha kompanha 7 mak hanesan willwood Berries, Tasmanian Berries, harvery beef, Madec Costa G3, Capogerco farm, Adco the job shop, no tous graden,
Tuir dadus ne’ebe Mak fo sai husi SEFOPE Hahu husi Fulan Janeiro too fulan Agusto husi mobilidade laboral organiza ona grupu hamutuk 222 no haruka ona traballador 2500 tama ona ba Austrália no traballador sira ne’e balun hetan oportunidade ba dala 2 too dala3 no traballador ne’ebé sai husi sistema hamutuk 600.
Jornalista : Felix Fernandes
Editór : Agapito de Deus
