Lafaek News—Prezidente Repúblika José Ramos-Horta, kondekora médiku Cubanu nain 71, kompostu husi nain rua ho medalla méritu ordem Timor Leste no médiku nain 69 ho diploma iha ne’ebé tulun Timor Leste iha situasaun difisil iha setor saúde.
“Médiku Cubano hitu nulu resin, termina sira nia mandatu, sira nia misaun iha TL ha’u halo dezisaun para rekoñese sira nia servisu, iha Timor-Leste ita nia relasaun ho Cuba metin lós, importante liu mak setór saúde, hahú kedan iha 2005″ katak Prezidente Repúblika José Ramos-Horta hafoin Kondekora Médiku Cubanu na’in 71 iha Palásiu prezidensiál Bairu-Pite, kinta (04/05/2023).
Prezidente Horta hateten, bainhira Cuba haruka médiku 71 ne’e mai, momentu ne’ebá TL laiha médiku iha Timor-Leste, TL total médiku iha indenpensia 2002 hamutuk 20 de’it, atu fó resposta ba dezafiu iha setór saúde iha momentu ne’ebá, difisil tebe-tebes, setór saúde ne’e la’ós fasil, tan ne’e Cuba oferese médiku hamutuk atus ida resin agora sai hela atus rua no depois loke eskola medisina.
“Ohin ita iha Médiku rihun ida resin, maibé falta espesialista, dentista, ostamologu, Carbiologia no pediatrat, ne’e duni presija nafatin apoiu husi Cuba nian”, katak Xefe Estadu Horta.
PR Horta dehan, médiku Cubanu sira ne’e fila ba sira nia rai, PR Horta hanoin mínimu, Prezidensia bele halo, governu bele halo, rekoñese sira atraves diploma ida, hanesan lembransa ba sira.
“Normalmente sira nia misaun iha ne’e tinan rua, balu to’o tinan ha’at, maibé ha’u hanoin maximu mak hela tinan ha’at, Timor-Leste tinan sira ne’e nia laran, halo esforsu makas ha’u hanoin iha Cuba 40 Médiku Timorenses halo sosializasaun, setór saúde importante hanesan kriteriu ida ba ita nia Adezaun ba ASEAN mós”.
Iha fatin hanesan ba jornalista sira Embaixadora Cuba ba Timor Leste, Grisel Alina aldama Inniss agradese ba Prezidente Repúblika Jose Ramos-Horta nu’udar prémiado Nobel da Paz, fo medalla hodi rekoñese médiku Cubanu sira nia servisu durante ne’e.
“Agradese ba Prezidente Republika Republika Jose Ramos Horta hanesan premiado nobel DA paz neebe fo medalla rekoñesementu Cubano sira no atribui Medalla ne’ebé konklui ona sira nia misaun Iha Timor Leste,” dehan Embaixadora Cuba ba TL Grisel.
Jornalista : Rita Moniz
Editór : Agapito de Deus
