Lafaek News—Rezultadu hosi reuniaun dahuluk liña-ministerial hosi nasaun sira ne’ebe sai membru iha organizasaun G7+ iha CCD Dili Timor Leste, mosu sinál pozitivu mantein paz no kontinua hametin relasaun membru G7+ iha mundu internasional.
Enkontro interministerial partisipa másimu delegasaun G7+ hamutuk nasaun 13 mak hanesan, Afganistaun, Burundi, Repúblika Central African, Chade,Costa do Marfim, Guine Bissau, Haiti, Liberia, Saun Tome e Principe, Ilhas Salomaun, Serra Leaun, Somalia, no Sudaun do Súl inklui Timor Leste.
Sekretaria Jeral G7+ Helder da Costa Afirma ezistensia G7+ tinan 15 atu funda no establese paz no rezilénsia iha nasaun G7+ tanba organizasaun G7+ iha tinan 2010, hanesan organizasaun ida ne’ebé informal no voluntariado maibe agora halo ona movimentu Global ne’ebe rekonesidu Globalmente iha nivel mundial.
“Ohin ita akompanha sesta VI reuniaun ministerial G7+ 15 anos de unidade oinsá mak funda no establese paz ho rezilénsia iha país G7+ nian tanba G7+ funda iha tinan 2010 Hanesan organizasaun Ida neebe informal no voluntariadu, maibé agora produs ona movimentu Global ne’ebe rekoñesidu iha mundu,” Helder relata.
Sekretariu Jerál ne’e ne’e haklean interministerial G7+ ne’e sei halo revizaun ba progressu no alkansu ne’ebe atinje ona durante tinan 15, konsolida nivel ministerial membru G7+, no trasa estratejia oinsá atu apoiu malu liu hosi kooperasaun frazil ba frazil.
Observasaun lafaek news iha reuniaun nivel altu ne’e hetan partisipasaun másímu hosi reprezentantes membru G7+, Prezidente Repúblika no membru governu IX konstitusional inklui membru parlamentu nasional.
Jornalista : Natalino C. Lopes
