Lafaek New—Centru Nacional Chega!I.P. tersa (15/04/2025), asina akordu servisu hamutuk ho muzéu memorial munisipal Manatuto atu reforsa atividade no finanseiru ba funsionamentu instituisaun.
Diretor Ezekutivo CNC Ugu Maria fernandes afirma ho akordu ne’ebe asina hamutuk atu apoiu finanseiru no atividade ba muzéu ne’e rasik atu bele la’o ho di’ak.
“Akordu servisu hamutuk ne’e atu kobre komponente importante rua, ida apoiu finanseiru ba funsionamentu instituisaun nian komponente seluk husi apoiu ne’e bele halo atividade sira ne’ebe normalmente muzéu iha fatin seluk halo, primeiro mobiliza estudante sira ba, segundu sira mos hahú halo peskiza memoria sira husi populasaun iha munisípiu Manatuto nian, servisu ida ne’e parseiru hamutuk ho konsellu muzéu memorial munisípiu nian ne’ebé, Kompostu husi Presidente Autoridade Munisípiu Manatuto, Presidente Konsellu Munisipal no Konsellu kombatentes Libertasaun Manatuto nian no reprezentante husi vítima iha CNC, iha mos divizaun prezervasaun normializasaun,” Diretor Ezekutivo CNC Hugo Maria Fernandes ba Jornalista Sira iha salaun CNC Balide, Dili 15/04/2025.
Iha fatin hanesan, Adelino Domingos Soares hanesan Jestor ba muzéu memorial munisipal Manatuto hateten, akordu ida ne’e atu servisu hamutuk hodi reforsa muzéu munisipal Manatuto ba atividade sira no finanseiru.
“Selebra asina akordu servisu hamutuk, naturalmente ema bolu ASH hodi apoiu sentru chega nian ba muzéu memorial munisipal Manatuto, atu reforsa muzéu Manatuto nian iha parte rua, apoiu ba operasional ninian inklui atividade ba muzéu memorial munisipal Manatuto, atu implementa iha tinan ida ne’e, iha atividade ida rua mak muzéu munisipal Manatuto sei implementa, ida atividade vizita muzéu para ita nia jestor sira mobiliza joven sira no estudante sira oinsá bele asesu ba muzéu ne’e, oinsá bele hatene istoria pasadu nian liu-liu iha Manatuto, ita rejista ona sobrevivente nain sanulu, sira nia memoria ita preserva ona iha muzéu Manatuto tarjetu 30 pesoas ne’e ita kobre iha postu 6 iha Manatuto nian, mas ita la’o tuir kondisaun,” Adelino sublina.
Entretantu, asina akordu servisu hamutuk entre CNC ho muzéu Manatuto, nune’e CNC sei apoiu osan montante 14.00 no atividade ne’ebé realiza sei konvida joven sira no estudante sira ba vizita atu nune’e bele hatene istória pasadu nian liu-liu iha munisípiu Manatuto.
Jornalista : Maria José
