Lafaek News—Sábadu (10/04/21), Ministru Edukasaun juventude no Desportu (MEJD), Armindo Maia, akompañia husi embaixadór Portugal iha Timor Leste, José Pedro Machado Vierra, hamutuk ho parseiru UNICEF, apoiu hahan no material protesaun ijiéne ba vítima sira ne’ebe hela provizoriu iha edefisiu eskola hirak iha Dili laran inklui ho.
Ministru Edukasaun juventude no Desportu (MEJD), Armindo Maia hatete prejensa iha fatin ne’ebé komunidade infetadu hela ba atu bele haree direta kondisaun ema nian no apoiu mos aihan ba sira iha situasaun ne’e.
“Ohin mai iha ne’e hamutuk ho vise ministru no embaxadór Portugal no UNICEF ami mai iha ne’e atu fo netik buat balun ne’ebé ami iha ba ita bo’ot sira no ita hotu ne’ebé afetadu ba inundasaun, tan ne’e ami reprejenta governu no parseirus sira mai iha ne’e atu haree imi nia kondisaun no fo apoiu hahan ba ita bo’ot sira,”Informa MEJD Armindo Maia iha INFORDEPE, sábadu (10-4/2021).
Ministru edukasaun ne’e mos apela ba komumidade sira katak inan no aman sira bele hela lai iha fatin ne’e no husu hotu-hotu tau matan ba tanba fatin povu hotu nian.
Iha fatin hanesan reprejentante UNICEF iha Timor Leste, Bilal Durrani, hatete apoiu asistensia ba komunidade afetadu sira ne’e liu liu labarik hotu nune’e labele lakon oportunidade iha situasaun ne’e.
“Ohin ami mai iha ne’e atu apoiu naa ita bo’ot sira liu liu ba labarik sira tanba sira mak hasoru difikuldade barak ihaa situasaun ne’e maibe ami nafatin hamutuk imi.” Rehan reprezentante UNICEF.
Iha okajiaun ne’e mos Embaixdór Portugal iha Timor Leste José Pedro Machado vierra, hatutan nia parte sei nafatin apoiu Timor Leste iha situasaun susar saida de’it.
“iha situasaun susar sira hanesan ne’e ami sei la taka matan ba ita bo’ot sira no ami kontniua ajuda buat ruma ba ita bo’ot sira,” dehan Diplomata ne’e.
Iha atividade apoiu umanitária ne’e, MEJD reprezenta governu, akompañia husi Embaxidor Portugal no parseiru servisu sira hanesan Unicef hala’o observasun dahuluk iha edifisiu INFORDEPE Balide ne’ebé akumula komunidade sira hamutuk xefi familia (112 no tatol ema 589) , Eskola 4 de setembru, xefe familia hamutuk (57 no ema 235 ) ,Eskola EBF Meti-Aut, xefe familia hamutuk (15, ema 85 pesoas), eskola EBF 15 de outubru Tasi-tolu xefe familia hamutuk (174 no ema 836), eskola 10 de dezembru Komoro uma kain hamutuk 15 no ema 74, hodi fahe ai-han hanesaan foos ,mina, livru ba labarik sira, esponja hodi toba inklui sasan ne’ebé atu proteje ijiéne.
Kontributór : Javelino Silva
Editór : Agapito de Deus
