Lafaek News—Kompañia Wika ho Timor Port Aranja ona mákina 5 hodi supa bee Lagoa Tasi-Tolu durante semana ida hahú husi sábadu (10/04), iha ne’ebé organiza direta husi Kay Rala Xanana Gusmão iha lagoa Tasi-Tolu atu komunidade area ne’e bele asesu hikas estrada.
Iha atividade ne’e dirije diretamente husi eis Prezidente Repúblika no eis Primeiru Ministru, Kay Rala Xanana Gusmão iha lagoa Tasi-Tolu, inklui akompañia husi komunidade ne’ebé hela iha area refere, ho sentimentu ksolok ho prezensa lider karimzátiku ne’e.
Diretor kompania Icanto Weste Nico Jerónimo, hateten Kompañia Wika Ho Timor Port Aranja mákina 5 kompostu husi Wika rua no Timor Port 3 hodi supa bee lagoa Tasi-Tolu, mákina lima ne’e supa bee ho vilosidade 10000.0000 kada minute ba tasi ibun.
Mákina husi kompañia Wika ne’e hasai bee ho litru 9000, tolu husi Timor port bele hasai litru 1000 kada minute, tuir estimasaun bee iha lagoa iha litru rihun 4, semana ida bele redus ona bee ne’ebé kauza too komunidade sira nia uma iha lagoa tasi Tolu.
Bomba supa bee lagoa Tasi-Tolu sei la’o durante oras 24 nia laran perante semana ida hahú husi sábadu ohin (10/04) to semana oin bele menus ona, rezultadu ikus komunidade husi Masin-Lidun no lagoa 1 too 2 sei bele asesu hikas estrada hanesan normal.
Jornalista : Acacio Pinto
Editór : Agapito de Deus
