LAFAEK NEWS–Ministru Edukasaun Juventude Desportu (MEJD), Armindo Maia, informa parte ministériu edukasaun kontinua halo kordenasaun ho Estudante sira ninia inan-aman hodi sosializa eskola hotu munisípiu Dili atu Ministériu Saúde bele fo vasina Pfyzer ba estudantes sira ho idade 12 too 17.
Ita halo kordenasaun nafatin Ministériu Edukasaun tuir iha ninia kbi’it, kompetensia Ita sosializa iha eskola sira hahu eskola Sira iha Dili atu nunee labarik Sira liliu Inan aman Sira bele korkondasia para oan Sira bele vasina” Dehan Ministerio Edukasaun Joventude i Desportu Armindo Maia ba Jornalista Sira iha Salaun Delta Nova Segunda ( 15/11/2021).
Maia haktuir, ministériu edukasaun esforsu makas tebes atu sosializa vasina pfyzer ba estudante sira iha eskola hotu iha Dili atu nune’e Ministériu Saúde liu husi pesoal sira bele fo vasina ba estudante sira hahu husi idade 12 too 17, atu evita hasa’e imunidade hodi luta kontra covid-19.
Ha’u sente durante ne’e laiha problema buat hotu la’o di’ak, hau sente parese kestones téknika parese hosi saúde rasik mínimu atu ba eskola ida, mínimu tenki ema nain hira prontu iha ne’eba, kestones téknika, maibé ha’u hanoin kestoes teknika prinsipiu ha’u hanoin laiha problema fundamental” Nia Esplika.
Jornalista : Joni Mau Risa
Editór : Agapito de Deus
