Bobonaru-(Lafaek News)–Governu Liu husi Ministériu Edukasaun Juventude no Desportu, kinta (14/10/2021), halo sosializasaun Vasinasaun iha Aldeia Uduai suku karabau, Postu Administrativu Bobonaru Munisipiu Bobonaru hodi enkoraza populasaun sira simu vasina, tanba governu ida ne’e la Hanoin at ba Povu, labele fiar rumoris oi-oin.
Ministru Edukasaun Juventude no Desportu, Armindo Maia ,husu komunidade sira labele tauk atu simu vasina, laiha Governu ida atu hanoin at ba nia povu, tanba ida ne’e ba povu Karabau hotu-hotu bele hakbesik posku hodi simu vasina
Prezidente, Primeiru Ministru,Ministru sira, Bispu Sira vasina hotu ona amu Papa rasik mos husu ita hotu simu vasina, tanba saida mak imi sei tauk ba vasina, ba komunidade sira mai simu vasina hodi hasa’e ita nia imunidade, atu ita iha imunidade ne’ebe forte atu ita la’o livre ” hateten MEJD Armindo Maia.
Armindo fundamenta, oitavu governu orienta membru governu hotu tuun ba baze atu esplika lolos katak vasina ne’e atu salva ema la’os oho Ema, tanba ida ne’e ba populasaun sira mai simu vasina atu virus at ne’e labele da’et iha territóriu nasionál
Ferik katuas joven sira favor ida governu hakarak salva nia ema, Governu presija nia populasaun isin diak isin forte atu bele servisu” katak nia
Governante ne’e mos husu ba funsionáriu, Professor ho kontratadu sira katak funsaun públiku hateten tenki hatama kartaun vasina hatudu kartaun vasina, tanba ida ne’e hatu-hotu tenki vasina
iha Fatin hanesan reprezentante saúde munisipiu Bobonaru,Gil Bernardo Vicente, reforsa da-daun ne’e total populsaun ne’ebe simu ona vasina hamutu 40.
Populasaun sira tauk tanba informasaun falsu sira ne’ebe espailha iha media ne’e maka hatauk sira, maibé ohin loron ho prezensa Ministru nian bele esplika lia loos, hatudu katak populsaun sei mai vasina hotu” hateten husi Nia
Observasaun ba Suku karabau da-daun ne’e Iha aldeia 5 kompostu husi aldeia Uduai, Karabau, Nunu buti, Atu-Naru ho Tabalu ho Total populasaun 627 ho familia uma kain 4.226 komesa sima ona vasina.
Jornalista : Azelio da Cruz
Editór : Agapito de Deus
