LafaekNews-Governu liuhusi Sekretáriu Estadu Juventude no Desportu,(SEJD), preve orsamentu hamutuk $211 mill ba realiza jogu eskolar iha 12 munisípiu unkluí RAEOA.
Sekretáriu Estadu Juventude Desportu (SEJD), Abrão Saldanha, hateten, ohin iha ámbitu bolu komite desportu eskolar ne’ebé lei organika hatudu katak ministériu funsiona komite ezekutivu ida mak desportu eskolar, diresaun jeral do ensinu, diresaun desportu no diresaun munisipál sira hola parte iha komite ida-ne’e atu nune’e ida-idak kordena atividade sira kona-ba desportu eskolar.
“Tinan ida ne’e ami preve orsamentu 211.000 mill atu prepara ba jogu eskolar maibe tinan ida-ne’e ba de’it nivel sekundariu jeral no téknika vokasionál, maibé ensinu báziku seidauk bainhira ita iha ona organizasaun rasik mak ita bele haree alastra to’o ensinu baziku, depois de kalendariu ensinu bainhira sira feriadu hotu mak ita ba realiza kontra eskola sira,” dehan SEJD Abrão Saldanha ba Jornalista sira iha SEJD Dili, Kinta (14/10/21).
Nia hatutan, tinan ida-ne’e tau orsamentu ba jogu eskola ba iha sekundária jerál no téknika vokasionál de’it, maibé orsida sei haree ninia implementasaun tanba estudante sira mós, lakon sira nia tempu ba aula prenzensa lubuk ida relasiona ho pandamia Covid-19 ne’ebé mak governu implementa, ho razaun hirak ne’e estudante sira kumpri husi protokolu no sentru intregadu jestaun krize, maibé agora governu rekopera ona Estudante sira bele komesa hahú jogu, esplika Abrão.
Nia relata, estadu tomak enfrenta kona ba dezenvolvimentu desportu liu-liu desportu edukasionál, entaun agora daudauk saida mak halo ne’e, koperasaun ho UNTL,
Enkuantu dadaun ne’e sei provizóriu ba iha organizasaun desportu eskolár rasik entaun serbisu hamutuk ho Ministériu Edukasaun liu husi diresaun munisipál sira ho diretur eskola inkluí SEJD nia pontu vokais sira na’in tolu tuur hamutuk mak organiza ba atividade jogu Eskolar ba iha tinan ida ne’e. tenik SEJD.
Jornalista : Joni Mau Risa.
Asistén Editora : Juvita dos Santos
