Lafaek News--Diretór Diresaun Transporte Terrestre Munisípiu Lautém, Edy Correia Lemos, informa tuir despaisu nu 26/2015 defina ona tarifa ba transporte bus Dili Lospalos selu $.8 kada ema, maibé kondutór sira viola sei buka tuir no hapara lisensa operasaun.
Despaisu vise Ministru nian númeru 26/2015 iha momentu ne’ebá difine kedas tarefa ba iha mikrolete no transporte públiku hotu, inklui Dili Lospalos ne’e define ona $8, ba kondutor ka emprejáriu ruma maka hasa’e folin tuir hakrak diretamente nia kontra ona Despaisu refere, bainhira seidauk iha mudansa ba lei ne’e hotu-hotu tenke kumpri tuir despaisu ne’ebé mak fo sai ona, bazeia mós ba diploma Ministerial 3/2003 ne’e iha artigu 16, bainhira sira la kumpri ba lei ne’ebé fo sai ona ita sei hapara, suspesaun no kanselamentu ba sira nia lisensa tuir lei hatete,” afirma DNTT Lautem Edy Correia foin lalais ne’e.
Responsavel Diresaun servisu Transporte terrestre Munisípiu Lautém ne’e hatun lia katak, kna’ar ne’ebé DNTT nasionál iha no fó dalan DNTTL munisipiu tenke halo intervensaun ba ida ne’e, tempu badak DNTT sei foti asaun ruma hodi fo hatene ba empreza sira laiha regulamentu ida ba sira labele hasa’e folin arbiru.
Sorin seluk reprezentante motorista bus Dili Lospalos, Egido de Jesus, hatan katak pasajeirus Lospalos-Dili tula de’it nain lima ou hat, tanba ne’e razaun hodi hasa’e folin ba $10.
Se estadu lakohi ami hasa’e folin bus Dili Lospalos entaun sosa kareta ida para halo folin $.8 tanba ami tula de’it ema nain 4 husi Lospalos ba Dili, ne’e ami ense de’it mina ba kareta no ami lakon,” katak motorista Egidio.
Jornalista : CE. Lautém
Editór : Agapito de Dus
