Lafaek News—Ministru Comérsiu no Indústria, Nino Pereira, tersa (11/02/2025), ba haree diretamente atividade indsutrial hosi kompania Rotomor Timor ne’ebé produz tanke bee mos tuir konsumidores sira nia hakarak.
Iha vizita Ida nee ministro Comercio Industria MCI Filipus Nino Pereira hateten katak,Vizita Ne’ebe MCI hala,o ho objetivu atu haree emidiatamente ba actividade industriais ne’ebe kompanhia ROMOTOR TIMOR produs hanesan halo tanque Be,e mos ho seluk Tan,ho kualidade tuir padraun standarte internasional, nunee bele diversifika ekonomia produsaun iha Timor Leste.
“Ita mai haree besik liután atividade industriais ne’ebe mak halo husi kompania Rotomor Timor, Ita hare rasik sira produs tanke be’e mos, produz tan septipten no ninia medidas ne’ebe depende ba konsumidor Sira, nia nessisidade ita haree katak produsaun ida ne’e ho ninia rekezitus kualidade,” MCI Nino Pereira ba jornalista sira hafoin hala’o vizita iha kompania Rotomor Timor iha Bairu-Pité Dili.
Governante ne’e esplika katak, kompania Rotomor Timor nia produsaun kontribui bam akas prosesu dezenvolvimentu liu-liu diversifikasaun ekonomia rai laran liu husi produsaun tanke bee mos hirak ne’ebé tuir duni konsumirores sira nia hakarak.
“Ida ne’e ita apresia tebes Ita hakarak enkoraja, hakarak promove investimentu ne’ebé halo husi Timor oan rasik nune mos bele hare ba merkadu exportasaun,
IX governu iha komitmentu atu reforsa ita nia setor privadu sira fasilitas oinsá bele hare oportunidade negósiu ho atividade exportasaun Ita espera katak kontinua mantein nafatin,” nia dehan.
Iha fatin hanesan, jestor kompania Rotomor Timor, Fernando Antonio Leong haktuir katak kona-ba atividade ne’ebé durante ne’e sira produs hanesan halo tanke Bee mos ho septipten ba Sintina (Toilet) ne’ebe kualidade no ema barak kuinese produtu ne’e.
“Iha ne’e ami halo tanke be’e ho septipten ba sintinha nian, depende ba nia medida bele too ualu, sira servisu iha ne’e oras ualu dalaruma sira hela tan to kalan, quaze Timor laran tomak iha hotu ona ema koñese ita nia produtu, no ha’u fo garansia tinan ualu, no nia ita bolu Futh Grep hahan nian dunik ida ne’e ita uza atu konsume nian duni ita diferensia tanke ne’e balu arquime, balu hahán para ema bele konsume, governu mai vizita ona iha ne’e sira hakarak ha’u atu tau fábrika ida iha ne’eba prosesu la’o hela embaixada mai vizita ona, agora ne’e ha’u hakarak loke tan ida iha fronteira ne’eba,” nain ba kompania Rotomor Timor, Fernando Antonio Leong.
Observasaun Lafaek News nota katak, Timor oan ne’ebe servisu iha Kompania ROTOMOR TIMOR, total staf hamutuk ema nain 18, kompostu husi 16 servisu permanente no estrajiariu hamutuk nain 2, maioria mane, no servisu tuir oráriu normal hosi Segunda too sábadu.
Jornalista : Maria José
Editor : Agapito de Deus
