Lafaek News—Autoridade Protesaun Sivil (APC), Segunda, 10/02/2025, rekolla tipu dezastre naturais iha teritoriu Timor Leste, hamutuk 185, akontesimentu hirak ne’e mosu kauza husi udan anin velosidade maka’as iha munisipiu 12 inklui RAEOA.
Diretor Gabinete Relasaun Externa no Komunikasaun (DGREK), Nelson Nunes Orleans, relata tipu dezastre naturais ne’ebe rekolla hahú husi loron 03-10 fulan Fevereiro Tinan 2025, iha territoriu Timor laran Tomak, tipu kazu dezastre naturais ne’ebe normal CNOP-APC tutela ba APC.
tan ne’e, husi dadus ne’ebé APC rejista durante semana ida, iha rejiaun TL, kauza maka’as husi anin bo’ot estraga 29, prienxe kriteria 33, apoiu emerjénsia 8, númeru ema afetadus 185, ema evakua 99, liu-liu iha munisípiu sira hanesan munisípiu Aileu anin sobu uma 3, ahi han uma 1, munisípiu Ainaro rai halai 4, Bobonaro anin sobu uma 2, rai halai 1, munisípiu Covalima ahi han uma 1, anin sobu 2, munisípiu Dili anin sobu uma 2, ahi han uma 1, munisípiu Ermera anin sobu uma 8, munisípiu Likisá anin sobu 7, rai halai 2, munisípiu Manufahi anin sobu uma 1, ahi han uma 2, munisípiu Vikeke anin sobu uma 2.
Komandu APC munisípiu ho parseirus relevante fornese asisténsia emerjénsia ba família afetadus sira mak hanesan Aihan, komando operasional Autoridade Protesaun Sivil (APC) munisípio sira se’i kontinua halo hela Levantamentu detaillus kona-ba sasan ne’ebe estragus no lakon.
“Alende ne’e Akontese Rai halai estraga Komunidade nia uma Evakua ba Familia nia uma, aliende iha loron 09/01/2025, Rai hala’i estraga Komunidade nia uma hetan Apoiu emrgensia hudi APC
“Objetivu ne’e akontese anin sobu komunidade nia uma evakua ba vijinho nia uma Suku Lequimea, ida maibé apoiu de’it emerjesia, tanba estraga hahan, APC hakarak rekomenda ba Komunidade hotu akontese udan bo’ot atu bele hases-a’an husi fatin risku hanesan Mota Ninin, Foho Lolon, ai-hun bo’ot, liña eletricidade, Rai dokumentus importante iha fatin ne’ebe seguru.
Iha semana kotuk nia laran atmosfera estavel kalohan taka iha territoriu nasional kauza udan Fraku-Naton bele lokalmente udan forte liuliu iha munisípiu, Manatuto, Manufahi, Vikeke, temperatura maxima iha territoriu nasional varia husi 26-31 °C e minima 19-25 °C Kondisaun Anin, Anin hu’u ho Velocidade Normal-Naton ba fortre iha teritoriu nasional, iha parte Costa Sul hanesan Baucau, Bobonaro, Ataúro Lautem, Laloran tasi kosta Norte varia husi 0.1-1.0 metru (Kategoria Normal), Laloran tasi kosta Sul varia husi 0.7-1.0 metru (Kategoria Normal)
Jornalista Magan : Natalia de Jesus
Editor : Agapito de Deus
