Lafaek News—Iha ámbitu selebrasaun ba daruak loron nasional tais, juventude milenial Marquita dos Santos eskola iha Universidade Timor Loron sa’e (UNTL) Fakuldade Ciénsia no Kultura, katak Timor-Leste iha idantidade kultural rasik ho ida ne’e governu hodi promove tais Timor ba mundu intenasional
Husu ba komunidade no Estadu Timor-Leste prezerva no promove indentidade kultúral Timor-Leste nian sai hanesan tais iha mundu intenasional, tanba tais Timor desde husi beiala sira tan ne’e nu’udar Timor oan promove nia identidade kulturál rasik.
“Nu’udar joven milenial, mezmu ita moris iha era-globalizasaun, maibé ita labele haluha ita nia identidade kultúra ne’ebé maka, ita nia beiala sira husik hela mai ita, entaun atu prezerva no promove identidade kultúral timor nian hanesan tais iha mundu internasional, presiza ita nia komunidade no estadu Timor-Leste servisu tuir konsiensia.”Hateten, Marquita dos Santos, ba jornalista sira iha Centru Convenção de Dili (CCD), Kuarta (14/12/2022)
Marquita afirma, agora dadaun kria grupu kreatividade ida ho naran grupu Domin ba Tais, entaun liu husi grupu ida ne’e bele fornese formasaun ba sosiedade sira kona-ba soru tais, prezerva no promove Tais timor husi Munisípiu sanulu-resin-tolu (13) inklui RAEOA ba nasaun dezenvolvimentu sira.
“Agora foin halo lansamentu ba ami nia grupu, maibé ha’u espera katak liu husi selebrasaun daruak loron nasional tais ami sei organiza hodi hakbesik ba feto sira iha komunidade nia le’et atu adopta sira tuir sistema soru tais, tuir beiala sira nia hanorin, atu bele promove identidade tais sai hanesan identidade uniku ba iha nasaun ida ne’e,”
Alende ne’e mos, governu aloka ona orsamentu 100.000 mil, atu fo apoiu ba grupo kultura sira ne’ebé fo prioridade liu ba liu ba grupu soru tais, tanba loron 14 de dezembru tinan 2021 Tais hetan nomeasaun sai hanesan patrimoniu mundial Timor-Leste nian, ne’ebé mak hetan Ona rejistu iha United Nations Educational, Scientific and Cultural Organization (UNESCO) iha Paris
Jornalista : Adolfina Soares
Editor : Aniceto Dias
