Lafaek News—Oan husi saudozu Rama Metan, Lucas Junior fó ultimatu ba Adolmando Amaral hodi rejigna an husi kargu reitor Universidade da Paz.
Lucas Junior hatoo kestaun ne’e hafoin lansa asaun protesta hasoru reitór UNPAZ, Adolmando Amaral, ne’ebé fo sai deklarasaun hodi espekua iha media social hasoru saudozu Lucas da Costa Rama Metan katak penhargaan Internasionál ne’ebé Univerisdade da Paz hetan sosa de’it ho osan.
Ho lifuan ne’e, sente afetadu ba oan husi saudozu Rama Metan, Lucas Junior lamentavel hodi lansa kedan menifestasaun ba daruak hodi ezije atual Reitor UNPAZ Adolmando Amaral tenke rejigna an ona husi kargu reitor.
“Iha ami nia hasoru malu ne’e ha’u hatoo ha’u nia poreukupasaun no nia mós promete ba ha’u atu hadia se nia la bele nia sei rejigna an, ne’ebé fo praju ba nia mais ou menus nia bele koko hadia failansu sira ne’ebé maka iha, ha’u la fó prazu tempu barak, maibé nia promote ba ha’u katak iha akreditasaun oin mai maka se la prienxe kriteria nia atu rejigna an,” dehan Lucas Junior ba jornalista Lafaek News, kinta feira semana ne’e.
Hodi dehan, Instituisaun akadémiku ne’e la’os Instituisaun polítika ne’ebé maka atu politiza fali buat hotu, instituisaun ida ne’e foka ba siénsia atu investe ba setór edukasaun iha Timor Leste.
Nia hatutan hanesan oan mai salva nia aman saudozu Rama Metan, no fó xamada atensaun ba fundasaun
ha’u mai fo sama atensaun depois ha’u sei husu ba fundasaun tanba fundasaun ne’ebé maka sei ativu atu halo transformqasaun hili fali reitór foun ne’ebé iha kredibilidade hodi lori universidade da paz ba oin.
“Ha’u hatete ba Reitore see ita boot la bele prenxe kriteria sira atu lori UNPAZ ba oin ita tenke buka fali alternative seluk hodi halo transformasaun ba reitor ne’ebé maka Eleijivel, iha kredibilidade para bele Lidera Unpaz,” katak Lucas Junior.
Tuir nia Universidade la’os fatin atu promete podér ba malu kuandu kualidade universidade mak tun ba bebeik atu hadia fali han tempu, maibé komunikasaun la’o di’ak prosesu hotu la’o di’ak no nia (Adolmando) rasik promete katak se UNPAZ la heten akreditasaun A nia rasik sei rejigna an.
“ita haree tok tanba buat ne’ebé grave liu maka nia halo insultasaun ba Soudozu, razaun ne’ebé maka UNPAZ hetan premiu ne’e maka iha karta ne’e sira esplika katak Profesor Doutor Lucas nunka nunka foti reseitas UNPAZ nian atu hadia fali nia moris, maibé nia hili para atu hadia fali infraestrutura hodi aumenta fali fasilidade, aumenta rekursu umanu atu Unpaz bele la’o ba oin,” katak nia.
Iha sorin seluk Reitór Universidade da Paz Adolmando Amaral, hatete manifestasaun ida ne’ebé akontese ne’e ba dala rua ona no husi manifestasaun ne’e ninia rezultadu maka halo diálogu ida, iha diálogu ne’e hodi husu preukupasaun husi manifestasaun, maibé tanba la iha ejizénsia ne’ebé klaru ba universidade tanba laiha faktu.
“Ha’u dehan ba sira se imi hakarak mai halo ezijénsia imi tenke mai ho faktus atu depois universidade bele responde agora imi mai ko’alia laiha evidénsia, laiha substánsia, tanba ne’e maka universidade lakohi tuir ezijensia ne’ebé maka la klaru ba iha universidade.” dehan Lafaek News iha nia kna’ar fatin, (19/11/20)
Adolmando afirma, grupu ida husi externa ne’ebé reprezenta antigus alunus halo manifestasaun hasoru reitor atual, tanba deklarasaun husi premiu sira ne’ebé maka Universidade da Paz hetan, situasaun ne’e mosu hahú husi diskusaun iha Media Sosiais (MEDOS) iha momentu ne’ebé mai halo avaliasaun kona-ba premiu hira ne’ebé maka sira hetan
“Organizasaun internasionais sira ne’e fó premiu ba ita, entaun ami halo reuniaun ba ida ne’e internalmente maibé balun lori fali ba públiku, bainira ami halo avaliasaun ba premiu ida ne’e ami buka atu hatene katak premiu ida ne’e ita halo saida maka ita hetan. Organijasaun Internasional sira fo premiu ba ita agora premiu ne’e nia kontiudu saida maka ita hetan” nia argumenta
Reitor ne’e haklaken husi diskusaun sira ne’e balu lori fali ba publiku, entaun sira politija rejultadu diskusaun internal nee hodi halo atakasaun fali hodi dehan freitor halo falo akujasaun hasoru Reitor Lucas, maibé ida ne’e reunion internal ida ne’ebé maka atu buka faktus, tanba sa maka ami tenke halo ida ne’e, tanba MESK husu UNPAZ atu aprezenta faktus ba premiu sira ne’ebé maka universidade hetan.
“Maibé ida ne’e laiha tanba ne’e maka ami buka atu hetan nia faktus laiha ne’e ita atu aprejenta saida entaun hateten tia premiu ne’e ita keta hola karaik tnaba ne’e maka grupu kikuan ne’e mosu mai hodi ejije sira nia ezijénsia maka ida ne’e enkuantu ita lori tiha ona ida ne’e ba iha prosesu legal ha’u hein de’it bainhira maka Ministéiru Públiku bolu ha’u ita bot Alumni ha’u mos alumni ha’u halo fali Justifikasaun ba imi halo ida.” Esplika nia
Entretentu iha manifestasaun ne’e hetan intervensaun husi Polísia Nasionál Timor Leste no KPK hodi lori portávoz nain rua ba iha komanda eskudra Aimutin, tanba laiha koñesimentu ba manifetasaun hodi husu ba manifestante sira atu bele kumpre regara manifestasaun nian.
Jornalista : Julião Andrade
Editora : Nelya Barros
