Lafaek News—Lixu Tibar fatin ne’ebé akumula sasán dezvalorizdus kompostu husi kalen at, besi frozen no lata mamuk sira ne’ebé saneamentu Dili rekoilla iha sidade laran lori bou iha rai hun Tibar postu administrativu Bazartete, munisípiu Likisá nia konta.
Situasaun real iha lokál lixu Tibar la fasil ema ne’ebé despresadór atu ba haree, husi dook de’it inus horon husi anin huu sente is oi-oin, dois makas no duni ema atu rekoa husi fatin refere.
Maibé, labarik ida ho idade tinan 9 metan morena naran istimada Abia, naran kompleta Flavia Soares estudante ida husi eskola primaria Tasi-Tolu, la tauk no hakfodak atu besik ba zona Lixu ne’ebé dominante ho dois tebes, falun ulun ho isin lo-lon metin hodi ba fihir sasán ne’ebé iha valor ekonomia hanesan kalen at, besi frozen no lata mamuk hili tau hamutuk hodi lori ba tetu iha kompañia ne’ebé sosa besi at sira iha besik iha fatin refere.
Abia hela hamutuk ho nia avó feto Madalia tanba nia papa, husik hela nia ho nia avó feto hela iha Tasi Tolu, bainhira Abia fila husi eskola, han tiha meiu dia nian, ho nia avó feto Madalia la’o on aba Tibar hodi hili kalen at.
Avó Madalia konta ba lafaek news katak, rendimentu ne’ebé hetan husi lixu maka hodi sosaa foos, selu eskola ho sosa material ho uniforme.
“Flavia bainhira ba eskola mak nia fila husi eskola to’o uma han hotu ba tuir avo hodi hili lata no besi at ami tetu hodi hare ba nia eskola no balun ba hahán, Flavia diak ida iha uma mak baruk ba tuir avo hodi hili lata, besi at, no masa at sira ne’e hodi tetu ba sustenta ami nia moris lor-loron nian, no hau hanesan inan no avo ba Flavia hodi bukan hahán ba bei oan Flavia,” nia hateten ba jornalista iha tibar (19/11/2020)
Presu lata mamuk kilo 1 hetan sentavus 10, masa at kilo 1 hetan sentavus 5, besi at kilo 1 hetan sentavus 5, butir karon ida dolar $.6, maibé rendimentu lroron ida osan $.5, bainhira atu hetan dolar $.80 tenke hili lixu durasaun fulan 2 hafoin bele hetan too dolar ualu nulu.
Iha fatin hanesan, faluk Juliana ho Oan Rita Marcal nia moris depende mós ba lixu Tibar, Juliana Babo afirma katak hakarak Rita eskola, maibé osan ba sosa material eskola nian la sufisiente, tan ne’e Rita deside hapara nia estudu hodi ajuda inan hili lixu tetu hodi hetan osan ba sosa de’it hahán.
Inan faluk Juliana Babo ho oan nain rua (2) Rita Marçal no idade tinan (8) ne’ebé mak hamutuk ho inan hodi hili lixu iha Tibar no Rita hela ho inan hahoris, maibé Rita mos hela ba mai ho familia.
“ha’u hakarak Rita eskola no Rita foin da-daun eskola, maibé nia apa mate ne’ebé Rita la eskola, no ha’u inan husi Rita buka osan hodi oan eskola hodi hili lixu kalen, lata, besi at no butir tetu hodi hare Rita nia eskola maibé osan atu sosa Rita nia farda no sapatu la to’o ho ida ne’e Rita la kontinua eskola,” nia hateten ba jornalista iha tibar.
Rita ajuda inan faluk hodi hili lixu ho saúde ne’ebé di’ak, maibé agora mak senti inus metin ho mear, hanoin hela atu ba tratamentu saúde maibé tempu mak la to’o tanba dader juliana ba ona hili ona lixu iha Tibar.
Entretantu, publikasaun ne’e media Lafaek News ezibisaun ba fotograpia husi labarik na’in rua hodi komemora loron Direitu Labarik iha Timor Leste, ne’ebe selebra iha sesta (20/11/2020).
Jornalista : Aniceto D.S Dias
Editora : Nelya Barros
