Lafaek News—Xefe Estadu Maior Jenerál F-FDTL, Majór jeneral Lere Anan Timur, preukupa ema husi NTT kontinua tama liu husi dalan illegal ba area Timor, tanba laiha vijilánsia másimu
Lider F-FDTL ne’e dehan governu propoin Prezidente Repúblika dekreta ona estadu emerjénsia ba da-8 iha ne’ebé too ohin seidauk rejista ema mate, maibé rejista nafatin ema illegal atravesa fronteira tama mai Timor
“Hanesan ita hotu hatene governu dekreta ona EE ba dala ualu ate agora seidauk rejista ema mate maibé nafatin rejista ema illegal tama mai fronteira,” Xefe Estadu Maior F-FDTL ne’e deklara hafoin remata reuniaun regular ho PR Francisco Guterres Lú Olo, iha palasiu prezidénsia Bairru-Pié, kuarta (20/01/21).
Lere kestiona governu maski fó ona orden tenke reforsa seguransa fronteira no taka fronteira ho aieroportu atu ema labele tama mai Timor, maibé ema illegal nafatin atravesa fronteira mai Timor, tanba area fronteira iha luan no naruk liu no seguransa sira labele konsege kobre.
“ Ha’u bele dehan liña fronteira ne’e naruk no luan demais tanba ne’e defisil atu kontrola no ita nia ema mos la to’o maibé komandu PNTL ho F-FDTL tu’ur hamutuk ona hodi reforsa tan ba fronteira” haktuir nia
Impaktu husi menus kontrolu ema illegal nafatin atravesa fronteira tama mai Timor ba karantina iha Batugade hamutuk ema na’in 34, maibé na’in 3 halai lakon ba sira nia familia.
“ Ita la kontrola to’o fronteira illegal nafatin tama iha fulan janeiru loron 2 ema illegal hamutuk nain 34 atravesa fronteira na’in 31 tama karantina Batugede na’in 3 halai lokan ba nia familia sira” dehan nia
Jornalista : Sonia de Almeida
Editora : Nelya Barros
