Lafaek News—Xefe Estadu Maior Jeneral FALINTIL F-FDTL, Tenente Jeneral Lere Anan Timur seidauk deklara an kandidatu ba eleisaun 2022-2027, tanba Prezidente Republika Francisco Guterres Lu-olo seidauk dekreta data ba eleisoens.
“Prezidente Repúblika Francisco Guterres Lu-olo mós seidauk dekreta tan data elisoens nian ha’u atu ko’alia bainhra, ha’u hatene agora ne’e sei militar hela,” deklara Xefe estadu maior Jeneral FALINTIL FDTL, Tenente Jeneral Lere Anan Timur hafoin enkontru semanal ho PR Fransisco Guterres Lu-Olo iha palasio presidensial Bairo-pite, kuarta (21/07/2021).
Nia hatutan, kuandu PR dekreta data eleisaun prezidensial nian parte sei deklara tanba grupu no ema barak maka fó apoiu, labele dehan iha demokrasia ida-idak koalia ninian.
“Ha’u hanoin ida ne’e ita bele ko’alia buat ruma presidente Republika mós nonok hela, maske iha grupu barak mak apoiu ona, ida ne’e grupu sira nian, iha diabu ne’ebé mak la haree mós fo apoiu, ita la bele dehan demokrasia ita ida-idak ko’alia ninia,” tenik Tenente.
Alende ne’e mós Xefe estadu maior jeneral FALINTIL F-FDTL, Tenente Jeneral hato’o parabens ba Armanda Berta dos Santos ne’ebé ofisial deklara ona atu kandidata an ba Presidente Republika iha periodu 2022-2027, tanba feto ida no husu feto hotu atu kandidatu an.
Enkuantu, Xefe estadu maior jeneral FALINTIL F-FDTL, Tenente Jeneral mós informa, iha enkontru ne’e koalia mós asuntu kona-ba situasaun forsa aramdas nian inklui asuntu rai laran ne’ebé maka relevante ho situasaun militar nian.
Jornalista : Rita Moniz
Asiste Editór : Pedro de Almeida
