Lafaek News–Padre Paroku parokia Igreja Santo, Antonio Balibo Arun Ekka SVD, iha nia omília hateten Jesus terus mate iha kruz moris hias husi mate Jornalistia nain lima ne’ebe mak mate iha tinan 1975 iha Balibo hodi defende lia loos ikus hakotu is, nu’udar sarani brani hamrik ba lia loos dala barak tauk atu fo sasin kona-ba lia loos.
“Terus mate iha kruz moris hias husi mate ohin ita selebra Misa hosi hanoin Jesus nia terus mate iha kruz liuliu ba ita nia Jornalistia nain lima ne’ebe mak mate iha tinan 1975 iha fatin Balibo ida ne’e hodi defende lia loos ikus sira lakon vida, nu’udar sarani brani atu hamrik ba lia loos, tanba dala barak ita tauk atu fo sasin kona-ba lia loos,” esplika amu selebrante Paroku parokia Igreja Santo Antonio Balibo Pe.Arun Ekka SVD iha nia Omília hafoin selebra misa ba loron trajedia Balibo five iha postu Balibo munisípiu Bobonaro, Sábadu ( 15/10/2022).
Nailulik ne’e katak, kada loron jornalista sira hasoru problema todan mate iha mundu tomak mate, tanba sira hamrik ba lia loos, nu’udar sarani brani atu hamrik ba lia loos, tanba dala barak ema tauk atu fo sasin kona-ba lia loos.
“Nu’udar sarani ita bele haree moris hanesan kriatura ida, hanesan peregrinu ba aman maromak, oinsa kria amizade depende ba ema ida-idak iha destinu ikus nian hamutuk ho Nai Maromak iha reinu lalehan,” tenik amu selebrante.
Entretantu iha selebrasaun misa ba loron trazedia Balibo five ne’e partisipa husi sarani sira iha postu administrativu Balibo nian, ekipa Konsellu imprensa (CI), Centru Nasionál Chega (CNC), no média nasional hotu.
Jornalista : Rita Moniz
Editór : Agapito de Deus
