EKONOMIA · 14 Feb 2021 09:40 ·

La Mehi Atu Riku, Mas Mehi Oan Nia Futuru Kontribui Ba Timor


La Mehi Atu Riku, Mas Mehi Oan Nia Futuru Kontribui Ba Timor Perbesar

Lafaek News—Rezultadu husi lafatik ho bote tradisional konsege lori oan ba eskola iha Universidade Dr. Soetomo Surabaya Indonézia hahú tinan 2011 remata 2019, iha departamentu ekonomia fakuldade akuntabilidade, maski la mehi atu riku, maibe mehi ne’ebe tenke sai realidade mak osan tenke matenek hodi kontribui ba dezenvolvimentu Timor Leste.

“Ha’u fila liman fa’an, bote ho lafatik ne’ebé ha’u rasik mak homan hodi sustenta oan sira nia estudu, lakohi oan sira atu  beik, inan ha’u esforsu an hodi mai fa’an iha ne’e, maske dala ruma la hetan rendimentu ne’ebé mak di’ak, maibé pasiénsia nafatin hodi buka osan rai hamutuk konsege selu ona eskola too remata iha universidade Soetomo Indonézia” tenik negosiante Filomena Fatíma de jesus iha merkadu taibessi segunda 8/02/2021.

Filomena espresa, katak nu’udar negosiante buka moris iha merkadu, presiza pasiensia  maski mehi la’os atu sai riku, maibé importante oan nia futuru ba aban-bainrua tenke di’ak, ho maromak nia grasa hatudu rezultadu positivu husi lafatik no bote tradisional konsege sustenta oan mane dahuluk finaliza eskola iha Indonézia.

Fátima de Jesus (48), husi aldeia Ailele-hun, suku Kamea, postu Kristu-Rei, munisípiu Dili, ema feto ida ne’ebe badinas buka osan ho maneira sosa tutan, bote, lafatik, luhu no sapeu tradsional husi Hera hodi lori fali ba fa’an iha merkadu Taibessi.

Maneira atu buka osan, labele toba too loron as mak foin atu hadeer, maibé toba tenke hadeer sedu hodi lori bote ho lafatik bba merkadu Taibessi, molok tuku hitu iha ona merkadu Taibessi hodi fa’an too tuku hitu kalan fila fali ba uma Kamea hodi kontinua hikas iha loron tuir mai.

Nia hatutan, sasan hirak ne’ebé nia faan sosa tutan husi nia maluk negosiante sira iha Metinaru nia folin dolar $ 2 maibé depende ba sasán tanba balun ki’ik no balun bo’ot.

“Mama-fatin sosa ida ho folin dolar  $ 2, fa’an fali ida dolar $2.50 to’o $3, sasán sira ne’e ho folin la hanesan boot entaun nia folin sa’e ituan, maibé la liu dolar $ 5, ami fa’an tempu ema orientasi ema sosa barak liu mak bote,” nia informa.

Filomena haktuir, nia fa’an bote, lafatik, xapeo tradisional ne’e dezde uluk merkadu sei iha Hali-laran, bainhira merkadu mud aba Taibessi, kontinua fa’an material tradisional hirak ne’e too ohin loron konsege selu oan nia eskola too remata iha indonézia.

“Moris fila liman oan mane boot ba taka sapeu iha Indonezia nia foti kona-ba fakuldade Ekonomia, no osan seluk ha’an hemu no uza ba nesesidade loron-loron, maske la riku importante oan sira eskola hotu,” dehan Folomena ho kontenti.

Filomena ho nia kaben Pedro Fernandes iha oan nain neen, ida remata ona univesridade, nain rua foin remata iha sekundaria atu kontinua ba universidade, no nain tolu seluk foin iha nivel pre-sekundaria.

 

 

Jornalista               : Rita Moniz

Asisten editór         : Pedro de Almeida

1,606 Views
Artikel ini telah dibaca 138 kali

badge-check

Editor

Baca Lainnya

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Grupu Hortikultura Maudiu II Glenu Fulan 1 Hetan $ 2400, Sosa ona Kareta 2 Ho Uma Luxu 3

22 April 2024 - 15:28

SEKopp Halibur Movimentus Kooperativa Nudar Baze Fundamentu Ekonomia Família

6 April 2024 - 12:44

Trending di EKONOMIA