Lafaek News– Kinta-feira, 16 abril 2026, Empreza Timor appraisal unipessoal. LDA anunsiu ninia ejistensia da-uluk iha Timor-Leste atu envolve iha servisu avaliasaun finansas no propriedade ho kna’ar hotu-hotu fó prioridade ba integridade independénsia no aprosimasaun baze-dadus ba setor privadu no setór bankaria sira.
Asesór estratéjiku no Asuntu esterna, António Vitor esplika ansamentu ne’e atu halo introdusaun ba komunidade setor privadu, liu-liu ba sira ne’ebe aban bainrua sai hanesan kliente ka parseiru ho kompañia Timor appraisal ne’ebé fo prestasaun servisu atu halo avaliasaun valor ba propriedade sira ne’ebé tau garantia ba banku hodi halo kreditu.
“Ohin introdusaun katak banku sira mai partisipa, sira mos hatene diak liu, liu-liu banku Estranjeiru sira ne’e laos buat foun maibe iha Timor foin Timor appraisal mak primeira vez rejista atu bele oferese servisu ne’ebé mak Timor appraisal. Espera katak aban bainrua servisu hamutuk ho setor privadu, ho setor bankaria no setor públiku sira,”Asesór estratéjiku no Asuntu esterna, António Vitor ba jornalista hafoin serimonia lansamentu Timor appraisal iha TWIH Lecidere 16/04.
Nia haktuir Timor appraisal sei foka liu ba setor privadu no setór bankaria tamba prosesu sira iha banku lao kleur, kliente sira lakon satisfeitu ba proposta lolos iha fulan ida nia laran sai fali fula haat lima (prosesu kleur).
“Ha’u uluk iha Banku Nasional Timor Leste hare’e rasik prosesu kleur maibe iha nasaun seluk prosesu hanesan ne’e iha instituisaun kusus ida mak halo, hanesan emprezariu mai komplimenta kedas entaun kompleta tan ita bolu ekosistema ba iha dezenvolvimentu liu-liu iha area finanseiru no bankaria ne’e para ema foti kredit bele prosesu lalais. Timor appraisal mak primeira vez rejistu iha nasaun ne’e, aban bainrua iha ona seguru, se karik iha tan encounting iha tan appraisal ne’ebé hare’e mai hato’o sira nia finanseiru, relatóriu finanseiru ne’ebé aprezenta ba banku sira ne’e gredivel liu entaun banku la presiza gasta tempu atu halo revizaun, koriji, hadia ida ne’e ida ne’eba entaun prosesu lolos banku halo deit avaliasaun atu nune’e aprova lalais kredit, la demora ba chek fila fali relatóriu sira. Liu-liu mak halai ona kurateral buat ne’ebé importante tebe-tebes ba banku sira,”António afirma.
Asesor Timor appraisal ne’e subliña, banku hot-hotu ita hatene fo kreditu tenke ser iha jaminan, tenke kuatetal, tenke tau rai ita nia rai, uma, ekipamentu pezadus, sasan sira ba banku, mas dala ruma nain mos la hatene valor lolos ne’e hira ho esperensia ne’ebé iha kompañia ne’e rekruta atu halo servisu ne’e iha lisensa, iha sertifikadu, i sira kaer banku boot-boot iha Indonesia iha NTT, Jakarta ne’e iha ona esperensia mai ajuda no sambil fo treinamentu ba ita nia ema rai laran tamba aban bainrua servisu lao presiza tan ema barak ona fo atendimentu hanesan ne’e banku sira labele outsource hanesan dadauk ne’e.
“Importansia atendimetu ne’ebé aban bainrua ami oferese ne’e liu-liu ligadu mos ba atendimentu banku nian. Ami mos sei atende ba ema ne’ebé hakarak halo proposta ruma, atu halo feasibility study ne’e, hanesan iha banku balun ejiji atu halo investentu ho montante bo’ot tenke study kelelaiakan, dala barak iha kompañia sira iha interese ou setor privadu iha interese iha kapital uituan atu hahu mas presiza banku nian, sira nia kuaterial ema seidauk halo avaliasaun i sira nia feasibility study buka ema husi Estranjeiru mak mai halo. Tamba ne’e Service iha rai laran ita bele fasilita lais liu entaun bele ajuda banku bele ajuda mos setor privadu ho tempu hanesan,”Nia dehan
Eis funsionariu BNCTL ne’e reafirma Timor appraisal nia servisu atendimentu proposta ne’e bele fasilita prosesu, ne’e ideal ida iha atu ajuda setór privadu. Hanesan iha nasaun seluk iha atendimentu mos ba ema sira fahe rai ou uma presiza appraisal independente ida hodi hare’e peopritariu nia valor mas iha Timor seidauk iha.
“Timor appraisal laos ba setor privadu deit maibe ba individual, ba tribunal hotu. Wainhira nasaun dezenvolvimentu ajuda ekonomia dezenvolvimentu lais liu atravez finansiamentu en vez kapitalizasaun husi banku sira. Ho nune’e ami espera katak Timor appraisal bele atende ema sira atu sai kliente ba kreditu banku ho lais no seguru,”Asesor Estratéjiku EmprezaTimor appraisal informa.
Enkuantu serimonia lansamentu Timor appraisal ne’e hetan partisipa husi reprezenta banku Nasional no Internasional sira hanesan Banku Central Timor-Leste, Banku Nasional Timor-Leste, Banku o Nosso Futuro, Mandiri, BRI no parseiru emprezariu sira hotu.
Jornalista: Gracia Soares
