Lafaek News—Moris ho kondisaun difisiensia, maibé laiha defisiente iha hanoin, la lakon vontade atu ajuda família no viziñu sira bainhira presiza nia ajuda.
Istória mós Silvino de Araujo Pinto moris fulan la kompletu (premature), tanba foin to’o fulan 8, partus ona Silvino moris husi Inan Alcina fátima Araújo Tilman no aman Afonso Tilman, sira hamutuk ema na’in 16 iha família ne’e Silvino mak hanesan oan mane boot.
Alcina Fátima Araújo Tilman hanesan Silvino nia inan deklara, durante ne’e Silvino sempre ajuda viziñu sira iha aldeia rua liu husi servisu ne’ebé viziñu sira halo.
“Maluk viziñu sira ne’e bolu ba halo servisu ne’e nia ba ona, maibé ema husi bairru seluk mak bolu nia la ba ida husi ami nia aldeia 2 hanesan Fatunava ho Airosoru ne’e bolu nia la’o kedas ba halo servisu,” dehan Alcina ba Lafaek News iha nia rezidénsia Dare Dili , foin lalais ne’e.
Ho kondisaun defisiente hanesan inan la husik hela, sempre atensaun hodi buka tuir nia oan mane, tanba lian la moos inklui kondisaun fíziku ladún di’ak.
“Ha’u la buka nia ida tanba nia boot ona ne’e nia ba bairu seluk ne’e ha’u buka maibé dala ruma nia ba hili ai-maran sira entaun ha’u tenke ba buka tanba nia kondisaun la dun di’ak no ko’alia mos lian la sai ida tanba ne’e mak ha’u buka nia ne’e, To’o agora nia ko’alia ne’e la mos no lian la sai, moras ida kona fali nia mos fatuk sira ne’ebé nia tur monu arbiru to’o ran suli,” Alcina esplika.
Alcina dehan, xefe aldeia husi bairru ne’e foti ona dadus atu hetan osan difisiénsia nia maibé to hela agora la hetan, maske dadus ne’e submete ona too Aileu ikus mai sertidun moris defisiente ne’e nian mos lakon laiha rezultadu.
“Silvino moras di’ak uitoan entaun nia servisu ba hili ai, lere toos, kuru bee kaer servisu di’ak hela nia ko’alia mak ita la rona no halo ita beik tuir tiha tanba ko’alia hanesa tiha malae sira, hatene saida mak akontese ba nia tamba planu maromak nia ha’u hanesan sarani katólika tenki reza nafatin,” nia dehan
Jornalista : Orlando Magno
Editora : Nelya Barros
