Komunidade Lemorana Ana Soares
Lafaek News—Vítima dezastre naturais aldeia Lemorana Suku Dare Postu Adiministrativu Vera-Kruz, munisipiu Dìli, Ana dos Santos husu lider karimátika Kay Rala Xanana Gusmão atu tun direta iha sira nia leet, tanba úniku lider ne’ebé povu laran metin.
“Besik Loron lima ona seidauk iha boot ida tun mai iha ne’e, atu apoiu emerjénsia ruma mai ami laiha, Avo Nana fatin inundsaun iha Dili laran ne’e Avo Nana ba hotu, inklui munisipiu sira, Tanba sa mak Lemorana ne’e Avo Nana la mai, nune’e ami hakarak Avo Nana Tenki Mai iha Fatin hodi haree uma no sasan ne’ebé mak mota lori hotu, vítima dezastre naturais, Ana Soares ba Lafaek News iha Lemorana, sesta (09/04/21).
Vítima husi inundasaun ne’e espresa katak, líder hotu iha Timor Leste ne’e di’ak, maibé só Avo Nana maka povu laran metin liu, tanba Avo Nana mak hatene situasaun povu nian no hatene nesesidade povu nian iha situasaun difisil ida ne’e, hanesan da-daun uma fatin de’it mota loron hotu hela de’it ropa iha isin lolon de’it.
“Ami iha ne’e uma laiha sorte viziñu sira iha, ha’u agora ba hela Iha igreja Balide ohin sira telefone maka ha’u mai iha ne’e,” Nia esplika
Ana dehan, dezde akontese inundasaun iha loron sábadu kalan tuku ida too loron, too ohin ema boot ida nunka sama ain iha aldeia Lemorana atu bele hakbesik netik buka hatene povu kiik nia sofrementu husi dezastre naturais ne’e.
“Too ohin loron seidauk iha boot ruma mai ajuda, loron lima ona hetan de’it ajuda husi ONG Balu no Grupu Asaun Caridade (GAC), no Suku Vila-verde oan ne’ebè tau sasan hamutuk hodi mai ajuda iha ne’e, no seidauk iha ruma mai ajuda iha ne’e,” katak vítima inundasaun ne’e.
Tuir dadus ne’ebè mak komunidade afetu husi aldeia Lemorana Uma 10 Mota lori total, uma hamutuk 53 tama ona risku laran.
Jornalista : João da Costa Soares
Editora : Nelya Barros
