NOTÍSIA JERÁL · 8 Apr 2021 16:09 ·

Despedida Ikus Matebian Eis Frater Alcino, Familia Saleziana Dom Bosco Agradese Kontribuisaun Tomak


Despedida Ikus Matebian Eis Frater Alcino, Familia Saleziana Dom Bosco Agradese Kontribuisaun Tomak Perbesar

Lafaek News—Hafoin despede ikus ba matebian eis frater Alcino Cristivão Quefi atu lori fila ba nia horik fatin suku Lavateria, postu administrative Baguia hodi halo prosesu funebre tuir sira nia tradisaun, maibé familia Saleziana Dom Bosco Komoro nakonu ho mata-wen hodi hato’o agardese ba eis frater nia kontribuisaun tomak durante ne’e iha Domm Bosco.

Matebian eis frater Alcino Cristivão Quefi ne’ebé hakotu iís iha loron 4 fulan Abril 2021,  tanba kauza husi inundasaun udan no anin bo’ot iha semana kotuk hodi rezulta rai monu hanehan matebian iha área rai-hun Suku Komoro, Postu administrativu Dom Aleixo, Munisípiu Dili.

Matebian nia isin mate durante loron ha’at rai iha mortuariu Hospital Nasionál Guido Valadares (HNGV), hodi hein prosesu trata dokumentus Guia da marsa husi sentru integradu jestaun krizi (SIJK) molok lori ba nia moris fatin iha suku Lavateri, Postu administrativu Baguia, munisípiu Baukau.

Iha serimonia venerasaun ikus hamutuk ho padre, madre no salejianus sira iha Kapela Dom Bosco Komoro Vigariu Provinsial Timor-Leste Padre Manuel Pinto SDB, hateten loron ikus hamutuk ho matebian Alcino, tanba kongregasaun Salejiana Dom Bosco máka nu’udar uma mahon daruak iha nia estudu no vokasaun durante moris ne’e.

 “Ami hato’o ami nia laran susar no sentido profundas no kondolénsia ba familia matebian Alcino Cristivão Qufi, molok atu lori nia isin mate ba Baukau, ohin ita lori nia mai to’o  iha ne’e  tanba fatin salejiana Dom Bosko Komoro  hanesan  uma mahon daruak ba nia nia estudu no vokasaun tanba ne’e ami agradese ba nia kontribuisaun ne’ebé durante hatudu iha nia moris iha tinan tolu nia laran,” Dehan vigariu provinsial Timor leste Pe.Manuel pintu iha kapela dom bosko komoro  kinta, (8/4/2021).

Iha biban ne’e mós reprezentante familia  matebian  Sabino Perreira, hato’o  agradese wain ba komgregasaun Salejiana Dom Bosko Komoro, ne’ebé apoiu trata dokumentus guia da marsa hodi translada matebian ba nia moris fatin tanba timor iha hela serka sanitaria.

“Ha’u nu’udar nia tiu lori familia nia naran hato’o agradese ba ita bot sira hotu ne’ebé  mak durante hein nia isin mate iha Hospital no apoiu trata dokumentus hotu ohin bele lori ona ba nia knua moris fatin,” Familia  agradese.

Matebian Alcino Cristivão Quefi, ho idade klosan moris iha loron 8 dezembro 1994, iha suku Lavateri postu administrativu Baguia munisípiu Baukau, nu’udar oan dahuluk no maun alin nain ualu husi inan Ana Cesaltina Perreira no aman Domingos Kefi (Matebian).

 Matebian Alcino Cristivão  nu’udar eis frater  husi komgregasaun salejiana Dom Bosco Komoro no iha tinan 2020 deside hakotu nia vokasaun  ho rajaun atu bele tau matan ba nia  inan ho alin tanba matebian ne’e  rasik nian aman mate ona. Iha durante ne’e mós matebian hala’o nia kna’ar hanesan professor hodi hanorin iha Kolégiu Santu Inácio de Loiola Kasait Tibar iha munisípiu Likisa to’o  hakotu nia iís.

 

Jornalista : Javelino silva

Editor        : Pedro de Almeida

1,137 Views
Artikel ini telah dibaca 29 kali

badge-check

Editor

Baca Lainnya

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Xefe Suku Komoro Ho Komunidade Limpeza Merkadu

3 March 2024 - 09:17

CNC Asina Nota Entendimentu ho Asosiasaun Profissionais Psikolojia Timor-Leste

29 February 2024 - 08:58

LH Rezeita Adezaun ba WTO, Presiza Proteje no Promove Ekonomia Rai Laran

27 February 2024 - 17:11

Trending di NOTÍSIA JERÁL