Lafaek News—Komunidade Aldeia Lemorana, suku Dare, postu administrativu Vera-Krúz munisípiu Dili, inisiativa rasik komemora loron restaurasaun independénsia 28 de Novembru bad ala-49 ho sira nia osan rasik montante $ 100 (dolar atus ida).
Prezidente Komisaun ba eventu ne’e, Nunes Guedes iha abertura haklaken, eventu istóriku ne’e inisia husi komunidade rasik, la’os osan husi governu, NGO no kompania, komunidade rasik mak tau osan hamutuk ho komemora loron istóriku ne’e.
“Atividade mai ho komunidade Lemorana nia inisiativa rasik, atividade refere atu susesu la susesu husi komunidade aldeia ne’e ami buka rasik osan hamutuk ho strutura suku Dare, admistradora no ami nia aman veteranus sira, nia ami nia xefe suku iha ne’e, ami nia karta ne’ebe ami hatama hela ba parte relevante sira tau matan hela ba ami nia atividade, dia 28 ami sei dada tali, sa’e bua, sei iha dansa kultura no dansa modernu. Nunes Guedes Iha diskursu ba Abertura loron 28 de novembro iha Aldeia Lemorana Suku Dare,” 22/11/2024.
Prezidente komisaun ne’e argumenta, proposta orsamentu ba eventu refere hatoo on aba kompania Rudal Oca Laran Diak, maibé seidauk responde, inklui mos administrador Vera-Kruz, nia parte husu parte sira hanesan Timor-oan atu konsidera netik proposta hirak ne’e atu tulun sira organiza eventu 28 de Novembru ne’e ho susesu.
Iha sorin seluk, xefe suku Dare, Inacio do Santos Carvalho, hatutan eventu ne’e la mai husi Xefe Suku nia hanoin, Maibé husi komunidade aldeia Lemorana, tanba loron indepéndensia Timor nian.
Xefes uku Dare ne’e husu juventude aldeia Lemorana atu lolo-liman hamutuk, kria amizade, no hametin estabilidade servisu hamutuk hodi organiza eventu istoriku ne’e la’o ho hakmatek.
Hatan ba preukupasaun ne’e, Admistadora postu administrative Vera-Kruz, Teresa da Costa Mariano, hatan katak nia parte agradese ba Heroi sira no veteranus sira tanba sira didikasaun hodi hetan ukun rasik an, apresia komunidade Lemorana nia inisiativa komemora 28 de Novembru.
“Ita agradese ba ita nia aman veteranus sira ni heroi sira ne’ebé dedika an tomak ohin loron ita bele hetan independénsia ida ne’e, ha’u husu ita hotu nia apoiu, ita hotu nia kontribuisaun atu nune programa ne’ebé ita nia komunidade aldeia Lemorana inisia tenke kria unidade ne’ebé di’ak, no ha’u loke loke ita nia eventu istóriku ohin loron 22 too 29,” nia hakotu.
Observasaun jornalista Lafaek News, iha serimonia abertura loron 28 de Novembru bad ala-49 iha aldeia refere, partispa husi veteran Bereliku Lian Timor, komandate polísia Eskuadra Vera-Cruz, Xefe Suku Dare no Administradora Postu Vera-Kruz, eventu abertura ne’e hetan seguransa másimu husi PNTL no juventude jerasaun patriota aldeia Lemorana.
Jornalista : Maria José
Editor : Agapito de Deus
