Lafaek News—Negosiante Atus haat resin iha Mercado Komoro (Kampung Baru), konsidera Governu la konsidera povu kiik nia moris dignu no la kria kondisaun diak ba povu kiik sira atu buka moris.
Asunto ne’e hato husi Portavos, Inazia Exposto Nunes iha konferénsia imprensa foin lalais loron 23//11/2024, iha merkadu kampung baru, katak durante ne’e sira anota katak Governo laiha polítika edukadu ida atu kria kondisaun ba negosiante sira, maibé governu so hatene de’it duni negosiante no baku tuku tebe negosiante kiik.
“Durante ne’e ami nota governo laiha polítika edukativu Ida atu kria kondisaun ba ami negosiante sira, maibé hatene de’it mak duni no at liu Tan baku tuku-tebe negosiante sira asaun brutalizmu sira ne’e demonstra kapasidade governo nian liliu SEATOU oinsá atu resolve problema negosiante sira ne’ebé halo atividade negosiu iha kapital Dili,” Iniazia akresenta.
Iha konferénsia imprensa ne’e negosiante sira husu ba Prezidente Repúblika, José Ramos Horta, uza kompitensia obriga governo atu kria kondisau dignu ba negosiante sira.
“Ami negosiante Sira iha suku Komoro no Madohi hakarak hato Ami Nia ezisensia ba Prezidente Repúblika de Timor Leste Jose Ramos Horta uza kompitensia hodi obriga Governo atu kria kondisaun ne’ebe digno ba komunidade negosiante sira,’ nia sublina.
Iha Sorin seluk Xefe Apoiu Negosiante, julião Guterres, sujere Orsamentu estadu aprova milloens ba milloens ba kargu xefia sira no ukun nain Sira la’os ba povu, maske povu barak sei halerik ba estrada Bee mos saúde no edukasaun iha area remotas.
“Orsamentu estado aprova Milloens ba milloens ba kargu sefia Sira no Ukun nain Sira maibé Laos ba povu kiik Sira Ita hare iha area remotas Sira hakilar nafatin estardas saude edukasaun maibé Sira ba ko’alia iha media dehan Sira ba survei ona maibé Sira atu realiza ne’e labele,” Julião afirma.
ligadu ho preokupasaun hirak ne’e maske Timor Leste tama ona ba dékada rua ba ukun rasik an no governasaun ba dala sia ona, iha ne’ebé kada tinan parlamentu nasional aprova orsamentu jeral no estadu ho persentajen ne’ebé boot, maibé ladauk rezolve problema sosial sira iha Timor Leste, maske ho orsamentu aloka barak liu ba kategoria saláriu do que dezenvolvimentu direta ba povu no povu nafatin infrenta problema sira hanesan kiak no mukit no mal-nutrisaun.
Entretantu Komunidade negosiante ne’ebé da-daun ne’e hala’o atividade negósiu iha merkadu Komoro (kampung baru) hamutuk Atus Haat Resin no negosiante hirak ne’e maioria kréditu osan husi BNCTL, Kaebauk ho Moris Rasik.
Jornalista : Felix Fernandes
Editor : Agapito de Desu