Lafaek News—Diretór kompañia Bobolait Lda, Carlito Pereira, orienta ona nia traballador limpeza fatin komemorasaun 12 de Novembru Santra Krúz relasiona ho rekomendasaun husi vise komite 12 de Novembru hodi komemora masakre Santa Krúz ba dala-31.https://www.lafaeknews.tl/komite-12-de-novembru-rekomenda-kompania-bobolait-lda-hamamuk-agora-santa-kruz/
Relasiona ho rekomendasaun husi Prezidente Komisaun Organizador 12 de Novembru, Rogerio Castro da Cruz, nune’e kompañia Bobolaite orienta kedan traballador sira hahamuk material konstrusaun husi kompañia iha fatin refere.
“Agora da-daun ami hamos ona fatin,” katak Diretor kompañia Bobolait ba lafaek news via telephone, tersa (08/11/2023).
Carlito katak, parte kompañia simu duni rekomendasaun husi komite 12 de Novembru atu hamamuk lai fatin ne’ebé da-daun iha prosesu konstrusaun ba monumentu Santa Krúz hodi komemora masakre Santa Krúz bad ala 31 iha tinan ne’e, bainhira komemora loron nasional ne’e liu ona, kompañia sei kontinua fali prosesu konstrusaun ba monument 12 de Novembru Santa Krúz.
“Sim klaru depois komemora hotu mak kontinua fali projetu konstrusaun ba monumentu ne’e,” Carlito haktotu.
antes ne’e Vise Prezidente Komité de 12 de Novembro, Rogério Castro da Cruz rekomenda kompañia BoBOLAIT.Lda atu hamamuk fatin monumentu 12 de Novembru Santa kruz hanesan babain atu komemorasaun loron 12 de Novembru la’o ho di’ak.
“komité 12 de Novembru husu nafatin tenki realiza tuir tempu no programa planu governu ne’ebé iha ona, hotu la hotu ida ne’e Ko’alia ho estadu, komité so husu kompañia hamamuk fatin oin ne’e no halo mos hanesan babain hanesan tinan tinan para eventu nasional ne’e la’o ho di’ak”, esplika Vise Prezidente Komité 12 de Novembru Rogério Castro da Cruz ba Lafaek News iha knaar fatin CAMSTL Segunda ( 08/11/2022).
Vise Prezidente 12 de Novembru Rogério Castro da Cruz afirma interven polítika ne’e la refere ba iha komité 12 de Novembru tuir lolos tenke klarifika ho na’in liliu estadu , Komité 12 Novembru so observa no tuir de’it planu estadu ho kompañia ida ne’e tenderizasaun ne’ebé kria husi governu rasik .
“Nu’udar mos komisaun organizadora ba desluto saudozu Max Stahl ho Sebastião Gomes, halo ona karta ba kompañia iha loron 27 no 28 sei iha preparasaun ba loron Desluto saudozu Max Stahl ho komemorasaun loron saudozu Sebastiao Gomes nian hanesan atu hamamuk fatin ne’eba halo kondisaun di’ak atu konvidadus no komunidade ba sente hanesan kada tinan sempre komemora loron saudozu Sebastião Gomes nian.
Jornalista : Rita Moniz
Editor : Agapito de Deus
