Lafaek News—Vise Prezidente Komité de 12 de Novembro, Rogério Castro da Cruz rekomenda kompañia BoBOLAIT.Lda atu hamamuk fatin monumentu 12 de Novembru Santa kruz hanesan babain atu komemorasaun loron 12 de Novembru la’o ho di’ak.
vise Prezidente Komité 12 de Novembru hato’o asuntu relasiona ho notisia ne’ebé mak Lafaek News publika kona-ba Kompañia BoBOLAIT.LDA klarifika projetu Monumentu 12 de Novembru Santa kruz ne’ebé too ohin seida’uk bele utiliza ho razaun prosesu konstrusaun seidauk atinje tarjetorial.https://www.lafaeknews.tl/kompania-bobolait-klarifika-projetu-monumentu-12-de-novembru-santa-kruz/
“komité 12 de Novembru husu nafatin tenki realiza tuir tempu no programa planu governu ne’ebé iha ona, hotu la hotu ida ne’e Ko’alia ho estadu, komité so husu kompañia hamamuk fatin oin ne’e no halo mos hanesan babain hanesan tinan tinan para eventu nasional ne’e la’o ho di’ak”, esplika Vise Prezidente Komité 12 de Novembru Rogério Castro da Cruz ba Lafaek News iha knaar fatin CAMSTL Segunda ( 08/11/2022).
Vise Prezidente 12 de Novembru Rogério Castro da Cruz afirma interven polítika ne’e la refere ba iha komité 12 de Novembru tuir lolos tenke klarifika ho na’in liliu estadu , Komité 12 Novembru so observa no tuir de’it planu estadu ho kompañia ida ne’e tenderizasaun ne’ebé kria husi governu rasik .
“Nu’udar mos komisaun organizadora ba desluto saudozu Max Stahl ho Sebastião Gomes, halo ona karta ba kompañia iha loron 27 no 28 sei iha preparasaun ba loron Desluto saudozu Max Stahl ho komemorasaun loron saudozu Sebastiao Gomes nian hanesan atu hamamuk fatin ne’eba halo kondisaun di’ak atu konvidadus no komunidade ba sente hanesan kada tinan sempre komemora loron saudozu Sebastião Gomes nian.
Vise Prezidente CAMSTL ne’e salienta, tinan tinan sempre komemora loron 12 de Novembru ,agora dadaun preparasaun loron mundial nasional nian bele realiza ka lae, tan agora dadaun loron mos besik los ona komisaun organizadora tenke prepara ona palku loron 9 agora no inklui mos tenda maibé too ohin loron kalen, rai henek bou hamutuk hela iha ne’eba espera antes komemora loron 12 Novembru fatin refere hanesan ona babain, presiza kompañia iha responsabilidade no tau konsiderasaun para antes tama loron 12 de Novembru hanesan tinan tinan halo ona.
Tuir Vise Prezidente komité hanesan mos komisaun organizadora ejize husu kompañia tau atensaun ba karta ne’ebe komité diriji tempu mak loron 8 ne’e tenki hamos no loron tuir mai komisaun organizadora tenki monta ona sasan sira
“Ko’alia kona-ba interven polítika ne’e ba ko’alia ho estadu, komité la’os atu ezije maibé husu nia responsabilidade tuir akordu ne’ebe mak iha no ami ejize bazeia ba akordu ne’ebé kompañia halo ho estadu, komité la haree kona ba ida ne’e tan komite hakarak haree ba kualidade servisu no bainhira mak remata bazeia ba kontratu.
Jornalista : Maria Xavier
Editor : Agapito de Deus
