Lafaek News—Kompaña Alemor Marly husi munisípiu Baukau, segunda (05/06/2023), lansa komferénsia imprensa hodi ezije PNDS nasional atu foti medida urjénsia kompaña Alemor Marly ne’ebé sai vítima ba Programa Dezenvolvimentu Nasional iha Suku Samalari.
Maria Guterres nu’udar nain ba kompaña Alemor Marly, relata, nia kompaña mak sai hanesan fornesimentu Material Non-fábrika hanesan (Meubel) arus odamatan no janela ba uma naroman ba povu ne’ebe hala’o iha Daraloi leten suku Samalari postu administrativu Baguia munisípiu Baukau, tanba mosu iregularidade iha prosesu pagamentu ne’ebe la tuir mata-dalan PNDS nian.
“Husu ba parte relavante hanesan governu parlamentu no jurídiku atu loke prosesu investigasan ba uma naroman ba povu ne’ebe oferese husi governu da-ulau liu husi PNDS ba territóriu nasional liliu iha muisipiu Baukau postu administrativo Baguia suku Samalari aldeia Daraloi leten,” afirma Maria Guterres ba jornalista sira liu husi konferénsia imprensa iha Lurumata, segunda foin lalais.
Nia dehan, Bazeia ba programa PNDS nian ne’ebe la’o hela iha terirtóriu nasional fo prioridade ba kompaña lokál mak sai fornesedor ba material fabricano non-fabricano, tan ne’e fo kotasaun liu husi ekipa jestaun suku fo ba kompaña ne’ebe eziste iha munisípio Baukau, tan ne’e liu husi oportunidade ne’e kompaña Alemor Marly konkore iha vaga refere no ikus mai kompaña Alemor Marly mak sai manan nain ba vaga refere.
“Iha loron rua nulu resin hitu (27) fulan Outubro 2021, ami konsege hasoru malu atu asina kontratu sai hanesan basebilegal ba parte rua molok distribui material,sira maibé EJS hateten entrega uluk material sira hanesan Arus odamatan no janela mak asina kontratu dala ida tamba EJS fogarantia ba kompaña refere mak sai manan nain iha aldeia Daraloi leten,suco samalari postu administrativu Baguia,”nia akresenta.
Maibé, iha loron 05 fulan Novembro 2021, fornesedor tenta husu nafatin atu ssina kontratu, maibé ekipa jestaun suku mantein nafatin foti desizaun katak kompaña tenki distribui uluk material sira hafoin assina kntratu, ho nune’e kompaña Alemor Amrly mos fiar ba dezisaun husi ekipa jestaun suku nian hodi distribui material refere no entrega ba iha suku iha loron 18 fulan Novembro 2021 ho notas kompletu, maibé liu tiha iha loron 28 fulan Marsu tinan 2022, fornesedor simu informasaun liu husi telefone katak, iha ona osan atu halo pagamentu, maibé montante osan iha notas no kotasaun la hanesan, tanba ne’e ekipa kestau suku la konsege halo pagamentu.
Iha sorin seluk Alipio Freitas hanesan Tékniku Apoiu Komuniksaun, reforsa iha momentu sira halo medisaun iha suku Samalari mosu dezentindimentu entre kompaña ho Ekipa Jestaun Suku, tanba laiha komunikasaun, nune’e fornesedór mos senti la satisfas haruka karta ba iha Kompañia Alemor Marly Baucau, tanba antes ne’e kompaña Marly halo ona aprosimasaun husi suku too nasional, aprosimasaun verbalmente, maibé laiha resposta ba aktus hirak ne’e.
“Ami ba diretor tékniku PNDS nasional ami fo informasaun hirak ne’e ba diretor nasional, maibé diretor ne’e haruka ami hein iha munisípiu depois sira kontaktu, maibé ami hein husi nasional mai too suku la halo kontaktu ho ami too agora,” Alipio argumenta.
Kompaña Alemor Marly mos halo karta hatama ona ba administrador postu no mos PNDS postu inklui komandante eskuadra Baguia, no xefe suku Samalari ho ekipa jestaun suku no tékniku PNDS, maibé laiha Informasaun ruma ne’ebe relasaun ho karta ne’e.
Alipio mos akresenta katak, nudar kompaña lokal husu ba parte relavante sira tenki fo atensaun másimu, tanba iha rekezitu balun husi PNDS munisípiu nian katak kompaña ne’ebé sai fornesedor iha karta server karta autorizasaun no mos karta lisensa ambientál, no mos núeru TIN nian mos husu ba kompaña sira ne’ebe mak loke (Meubel) tenki rejistu hodi bele kontribui taxa ba estadu no mos garantia kualidade.
Liga ezijénsia ne’e, jornalista lafaek news tenta kedan konfirmasaun ho PNDS Nasional Kolmera, maibé parte komunikasaun resposta katak parte PNDS nasional seidauk resposta, maibé sei resposta fali iha loron tuir mai.
Jornalista : Felix Fernandes
Editor : Agapito de Deus