Lafaek News—Komandante Jerál PNTL, komisáriu Faustino da Costa, afirma nia relasiona viaturas ne’ebé fasilita servisu PNTL ne’ebé kondisaun la funsiona sei submete iha OJE 2021 hodi halo manutensaun.
“Agora orsamentu iha ona, ita hato’o propoin ida ne’e ba governu atu bele iha fali kompañia balu, hodi atende halo manutensaun ba viaturas PNTL nian,” dehan Komisáriu Faustino ba jornalista iha Komandu jerál PNTL Kaikoli, segunda (25/01/2021).
Faustino relata, transporte iha Intituisaun Polísia Nasionál Timor-Leste (PNTL) maioria aat nune’e difikulta membru PNTL sira nia servisu operasaun iha terenu, maibé prosesu kontratasaun kompañia ne’ebé halo manutensaun ba viaturas PNTL nian, remata ona iha loron 31 fulan dezembru 2020.
Komisáriu ne’e deklara, husi orsamentu PNTL nian ne’ebé tau iha OJE 2021 nian, propoin mós osan atu sosa pesa kareta nian enkuantu viaturas ruma enfrenta problem abele mellora imediatu.
“Ita iha orsamentu balu iha ne’ebá, propoin atu hola peças ruma, puré- zemplu hanesan piñeu sira, ninia buat ki’ik oan sira ne’e para ida ne’ebé PNTL bele responde ho ida ne’e, ita responde,” dehan nia.
Jornalista : Orlando Magno
Editora : Nelya Barros
