Lafaek News–Komandante Jerál (KomJer) Polísia Nasionál Timor-Leste (PNTL) Komisáriu, Faustino da Costa, afirma iha serimonia selebrasaun loron restaurasaun independénsia 20 Maiu husu sidadaun hotu hakmatek kuda paz ho dame hodi refleta ba oin.
Ba hotu-hotu liu-liu ba joven sira aproveita ba loron ne’e, mensájen ne’ebé ha’u fo beibeik mak se avo sira no maun alin sira luta hodi rai ida ne’e sai nasaun ema hotu konese sira mak heroi ba libertasaun nasional aproveita 20 anos restaurasaun independénsia ita buka atu refleta oinsa ba oin”, hatete Komandante Jerál PNTL Comissário Faustino da Costa hafoin enkontru semanal ho Prezidente Repúblika Francisco Guterres Lú Olo iha Palásiu Prezidensiál bairo-pite kinta (05/05/2022).
Komisáriu Faustino deklara, aman ho avo sira eroi ba libertasaun nasional husu para joven hotu-hotu, tau mehi ida katak sira mak sai rekoñesimentu ba eroi dezenvolvimentu nasional.
Evita halo konflitu iha situasaun sira hanesan ne’e, nune’e sai eroi ba dezenvolvimentu nasionál,’’ Faustino sublina.
Iha enkontru semanal ne’e komandante jeral PNTL, Faustino da Costa ho Presidente Repúblika Francisco Guterres Lú Olo ko’alia kona-ba PNTL nia seguransa ba loron posse Prezidente eleitu 2022-2027, premiadu Nobel da Paz José Ramos Horta no loron restaurasaun independénsia 20 de Maio 2022.
Jornalista : Rita Moniz
Editór : Agapito de Deus
