Lafaek News–Xefe oitavu governu Jeneral Taur Matan Ruak, deside ministériu 3 kompostu husi MTK, MPM ho MAP sei halo servisu distribuisaun subsídiu kombustivel ba transportes públiku iha rai-laran.
Diretór jerál Ministériu Transporte no Telekomunikasaun (MTK), Gaspar de Araújo afirma, susídiu kombustivel bazea ba dekretu lei nú.18/2022 fo biban ba Ministériu Transportes no Telekomunikasaun, Ministériu Petroléu no Minarais ho Ministériu Agrikultura no Peskas atu bele organiza distribui kombustivel ba operador transporte no mos parte agrikultura sira nian,
transporte komunikasaun ita identifika ona transporte aero hamutuk iha rua transport e maritima hamutuk mos iha ro rua depois transporte publiku hamutuk 3.871 inklui mos iha Oe-cusse maizumenus 4 mil transporte publiku sei hetan kupon ka boot sira konvestivel nian, dehan Diretór Jerál MTK, Gaspar de Araujo ba jornalista sira iha Salaun UNITAL Bekora, Kinta (05,05,22).
Gaspar dehan governu publika tiha ona diploma ne’e ba públiku hodi entrega kedas iha loron 01 fulan Maiu 2022, prosesu boot sira ne’e governu sei selu fulan 3 kompostu husi fulan Maiu, Juñu ho Jullu, tuir fali mai atu kontinua ka la kontinua desizaun husi governu.
Husi desizaun ne’e ita foti katak ba mina ne’ebe folin liu depois nia presu ne’ebe liu ita selu liu, ezemplu mina nia folin $.100 ka atu hasai hira depois governu selu de’it,’’katak diretór jeral MTK ne’e.
Subsídiu kombustivel ne’e transporte ida hetan apoiu $. 20 kada loron too loron sanulu iha ne’ebe dekretu lei define katak kona-ba mina karun ne’e Ministériu Petroléu mak define kustu.
Ita agora fo subsidi la’os fo ba ema la’os fo ba kondutor, maibé transporte públiku hanesan mikrolet, Taxi, anguna, bus travel, tuir dekretu ne’ebe defini ona balu gazoel no balu gazolina depende nia distánsia bus nian hetan natoon, máshetan kiik liu mak mikrolet,’’ nia sublina.
Totalmente transportes públikus iha Dili de’it hamutuk iha 3.871, ba Timor laran tomak Oe-cusse ne’e seidauk inklui ne’ebe másimu 4.mil transporte nian hetan subsídu kombustivel inklui mos transporte aéro 2, ho transporte marítima, maibé barak liu mak transporte terrestres ne’e mak hamutuk besik 4 mil.
Tanba iha rai boot nia Dili ho 12 munisípiu konta hamutuk 3.800 resin, ne’e Oe-cusse nia lista mai ona ha’u seidauk konfere aumenta oe-cusse nian diferense sa’e tan,orsida ami reuniun ikus ona sei forma ekipa ida ekipa finansa nian ne’e preparasaun bilete ne’e ekipa tékniku sira mos distribui iha munisipiu hotu,’’ nia hakotu.
Estajiadu : Osias Eco
Editor : Agapito de Deus
