Lafaek News–Funsionárius Autoridade Portuáriu Timor Leste (APORTIL) IP. nain 27 simu posse kompostu husi diretores Nain 6, Xefe gabinete nain 2 no Xefe departamentu 19 atu kompleta servisu APORTIL ba tinan 2022-2025.
Prezidente Autoridade Portuáriu Timor Leste (APORTIL), Lamartinho de Oliveira hatete, serimónia simu posse ne’e hanesan kompleta forsa de Traballu, razaun fundamentu iha fulan 3 liubá, iha mudansa de traballu ida ne’e hanesan kultura governu nian katak sira ne’ebé uluk tenke troka presiza paradígmu no prespetiva foun.
Ohin fó Tomada de Posse ba Diretores nain 6, xefe gabinete nain 2, no fefe departamentu nain nain 19, sira ne’e kompleta estrutura Aportil nian ba tinan 2022-2025 nian,” esplika Prezidente APORTIL, Lamartinho de Oliveira ba jornalista sira iha UNITAL Becora, Kinta (5/05/2022)
Prezidente ne’e hatutan, iha xefe gabinete nain 2, ida toma konta ba konsellu administrasaun nia servisu lala’ok oinsa sei halo ajenda, no xefe gabinete ida seluk hanesan polítika planeamentu ho jurídiku nian halo kordenasaun ba parte jurídiku no planeamentu nian hodi aselera servisu iha Aportil.
Sira nain 27 ne’ebé mak ohin simu ona tomada de pose ne’e ida-idak ho nia kna’ar kedas atu hare ba servidór sira hanesan kobra reseita, operasional, infra-estrutura no halo koordenasaun ho instituisaun sira seluk oinsá servisu ne’e bele la’o ho di’ak,” Prezidente APORTIL ne’e remata ko’alia.
Jornalista : Sandi Belo
Editór : Agapito de Deus
