LafaekNews-Membru Board Komisaun Misaun Lepra Timor-Leste (KMLTL), José de Araújo Verdiál, ppreokupa ho existensia moras lepra iha Timor-Leste, no husu ba espoza Prezidente Repúblika, Cidália Lopes Nobre Mouzinho Guterres, atu bele halo sosializasaun hodi sensibiliza informasaun ba públiku kona-ba moras lepra iha Timor-Leste.
“Hanesan ita hatene iha tinan liu ba durante Prezidente Repúblika, José Ramos Horta nia tempu, deklara ona katak, elimina ona moras lepra iha Timor-Leste, depois de iha, ida-ne’e haree tinan hira mai ne’e, husi servisu ne’ebé komisaun lepra halo vizita ba komunidade hamutuk ho servisu saúde nia deteta katak, lepra ne’e sei iha nafatin ,i númeru ne’e tinan ba tinan aumenta nafatin.,”dehan, Membru Board KMLTL José de Araujo Verdiál, hafoin reuniaun ho espoza Prezidente Repúblika, iha edifísiu GAAC Palasio Prezidensiál Aitarak-Laran Dili, sexta (21/01/2022).
Tuir dadus balun ne’ebé iha iha 2018 kazu moras lepra hamutuk 101 resin no husi totál ne’e labarik kiik 4% mak identifikadu pozitivu moras lepra, enkuantu iha 2011, husi ministériu saúde konsege elimina moras lepra ne’e maibé ate agora moras ne’e kontinua aumenta.
Enkuantu haree husi parte orsamentu ne’ebé mak aloka ba iha Ministériu Saúde (MS), ladun fó prioridade ba iha moras lepra, tanba ne’e husu tulun ba espoza Prezidente Repúblika atu bele fó apoiu liuhusi sensibilizasaun hodi bele tulun maluk sira ne’ebé mak afeta moras lepra,
durante ne’e existensia kazu lepra ne’e, husi numeru ne’ebe iha kuaze maioria iha, munisipíu Dili, Baucau, Manatuto, Kovalima, Bobonaro, Ermera, no RAEOA.
“Ita haree maluk sira ne’ebé mak hetan moras lepra hetan estígma sosiál iha komunidade sira, entaun halo sira dala ruma la hakbesik an ba iha sentru saúde, sira mós lahetan tulun husi familia sira atu bele hetan tratamentu,” hakotu José Verdiál.
Jornalista: Rita Moniz
Asisten Editora : Juvita dos Santos
