SEGURANSA · 27 Mar 2021 06:41 ·

KMD Fó Sala Ba Ajente Polísia, La’ós Jornalista 


KMD Fó Sala Ba Ajente Polísia, La’ós Jornalista  Perbesar

Lafaek News-Komandu Polísia Nasionál Timor Leste (PNTL) Munisípiu Díli fó sala ba ajente polísia tanba fó informasaun ba jornalista kona-ba taka totál movimentu transporte no loja sira ne’e lalos.

Ho públikasaun husi Rádiu Televizaun Timor Leste (RTTL) ko-naba taka total movimentu transporte no loja sira, nee jornalista sira la sala,maibé ajente mak fó informasaun la kompletu ba motorista sira iha fatin públiku.

Komandante PNTL Munisípiu Díli, Superintendente Xefe Henrique da Costa, informa, mensajen horisehik 26/03/2021 ne’ebé ajente sira fó sai ba motorista ne’e la kompletu tanba halo ema sai preokupa hotu entaun ho klarifikasaun ida ne’e ema hotu bele hatene.

“Públiku la bele fó sala mídia sira, tanba jornalista transmite buat ne’ebé ajente ko’alia soke ami ajente sira mak fó informasaun ba motoristasira la kompletu tanba ne’e la bele fó sala ba jornalista sira,” dehan Komandante Henrique ba jornalista, iha KMD kaikoli Dili, Sabádu (27/03/2021). 

Nia haktuir,  superior PNTL ho Ajente sira la’ós mix komunikasaun, maibé ajente sira mak fó informasaun la kompletu tanba udan no movimentu transporte baran entaun limite atu fó informasaun kompletu ba motorista sira.

Nune’e, nia mós husu ba komunidade sira atu kumpri rezolusaun governu nia la bele halibur malu iha fatin ne’ebé de’it, núne’e bele hakotu korente transmisaun surtu COVID-19 iha rai laran.

“Karik ita boot sira identifika iha bairu balu halibur malu hanesan joga karta, bingo no bola gulin inklui joga sira seluk bele komunika kedas mai komandu munisípiu Dili, ita bele kaptura kedas sira,” nia sujere.

Komandante ne’e klarifika, iha rezolusaun governu númeru 16/2021 loron 15 de marsu iha númeru 02, letra A-K dehan ona bele autoriza halo movimentu bainhira presiza nesesidade balu.

“Polísia autoriza halo movimentu bainhira atu ba simu medikamentu ho ema ne’ebé akompaña, ba aprezenta keixa iha Ministériu Públiku no orgaun lezislativu, kompras alimentasaun, realiza pagamentu eletrika telekomunikasaun internet, halo servisu finanseiru, nomós tuir prevista iha númeru 16 atu husu autorizasaun sai husi munisípiu Díli,” nia afirma.

Jornalista : Orlando Magno.

Editór        : Floriano Soares

1,304 Views
Artikel ini telah dibaca 16 kali

Baca Lainnya

PR Sujere MD Hametin kooperasaun Ho Nasaun Viziñu

21 December 2023 - 11:11

Orservasaun hosi Fundasaun Mahein kona-bá Eleisaun Lideransa Komunitaria tinan 2023

28 November 2023 - 08:35

PR Husu Autoridade Defeza-Seguransa Garante Estabilidade Rai-Laran

24 November 2023 - 12:40

Observasaun FM ba Realizasaun Programa 120 Dias ba Setor Seguransa IX Governu Konstitusional

23 November 2023 - 15:01

PR Sei Kondekora Timor-oan  2009  Iha Loron Proklamasaun independénsia Ba Bala-48

16 November 2023 - 17:00

Aluc

Koronel Domingos Dúvida Ho Karta Ezonerasaun Husi Primeiru Ministru

4 September 2023 - 14:16

Trending di SEGURANSA